9/25/2018
Today from Hiiraan Online:  _
Wararka Maanta- Arbaco, Aug 1 , 2018
Jabuuti oo jawaab adag ka bixisay hadal uu madaxweyne Farmaajo ka jeediyay Asmara


 

Arbaco, August, 01, 2018 (HOL) War qoraal ah oo ka soo baxay safaarada Jabuuti ee Soomaaliya ayaa lagu sheegay in dowladda Jabuuti siweyn uga naxday hadal uu dhawaan madaxweynaha dowladda Soomaaliya Maxamed Cabdullaahi Farmaajo uu ka sheegay magaalada Asmara oo ahaa in cunaqabateynta laga qaado dalka Eritrea.

Waxaa lagu sheegay qoraalka in dowladda Jabuuti siweyn uga naxday hadalka madaxweyne Farmaajo oo ahaa in Qaramada Midoobey ka dalbanayaan in laga qaado Eritrea cunaqabateynta  lagu soo rogay sannadii 2009ka kaddib markii loo arkay in ay dhibaato ku tahay xasiloonida qaarada iyo wadamada dariska la ah. dhinaca kalana taageero siiso kooxaha argagixisada oo Al-shabaab-na ka mid tahay.

Sidoo kale Jabuuti ayaa sheegtay in taa badalkeeda ay jeclaan lahaayeen in madaxweynuhu soo hadal qaado mashaakilka ka dhax jira labada dowladood ee Eritrea iyo Jabuuti ee dhinac xadka, kuna baaqo in si deg deg ah loo soo afjaro.

Warar ay heshay Hiiraan Online ayaa sheegaya in safiirka Jabuuti ee Soomaaliya Aadan Xassan Aadan uu ka anbabaxay magaalada Muqdisho kaddib markii uu soo baxay qoraalka, lamana oga in safiirku u tagay arintan dardeed iyo in kale.

Madaxweynaha Soomaaliya Maxamed Cabdullaahi Farmaajo ayaa dhawaan booqasho rasmi ah oo qaadatay saddex cisho waxaa uu ku tagay magaalada Asmara, halkaa uu ka sheegay in ay dalbanayaan markan in cunaqabateynta saaran laga qaado xukuumadda Asmara.

Marka aad u sii firsato qoraalka waxaa kuu muuqanaya in dowladda Jabuuti siweyn uga carreysan tahay booqashadii madaxweyne Farmaajo uu ku tagay Asmara, xili dhinaca kale uu jiro khilaaf Jabuuti kala dhaxeeya Eritrea.

 

C/raxmaan Diini, Hiiraan Online
[email protected]







Click here
8/1/2018 3:08 PM EST
Arbaco, August , 01, 2018 (HOL)–Golaha Wasiiradda xukuumadda Soomaaliya oo galinkii danbe ee maanta hal diyaarad ka raacay magaalada Muqdisho ayaa caawa ku hooyanaya magaalada Garoowe ee xarunta maamul gobolleedka Puntland.

8/1/2018 1:25 PM EST
Arbaco, August , 01, 2018 (HOL)-Qaraxan oo dhacay fiidkii hore ee caawa ayaa waxaa la sheegayaa in qof walxaha qarxa ku xirnaayeen uu beegsaday gaari ay saaraayeen mas’uuliyiin ka tirsanaa maamulka Khaatumo garabka loogu yeero Badbaado Khaatumo.

8/1/2018 10:06 AM EST
Arbaco, August, 01, 2018 (HOL)-Shirkii nabadeedkii ka socday Ceel Afweyn ee lagu soo afjarayey shaqaaqo ka dhextaagnayd laba beelood oo walaalo ah oo deegaanka wada daga ayaa maanta go’aamo shareecada ku qotoma laga soo saaray.

8/1/2018 3:53 AM EST
Arbaco, August, 01, 2018 (HOL)– Ra'iisul wasaaraha Soomaaliya, Xasan Cali Khayre oo booqasho ku jooga Puntland ayaa dhaleeceyn kala kulmey qaar ka mid ah isimada iyo siyaasiyiinta Puntland oo ku dhaliilay ra'iisul wasaaraha inuusan ka qeybgalin munaaasabadda lugu casuumay ee shalay lugu dhagax-dhigay dekedda Garacad iyo waddo laami oo isku xireysa deegaanka iyo degmada Galdogob.

8/1/2018 3:14 AM EST
Arbaco, August, 01, 2018 (HOL)–Wasiirka wasaaradda arrimaha dibeda dalka Jabuuti Maxamuud Cali Yuusuf oo Qoraal kooban soo dhigay boggiisa Twitter-ka ayaa wax-ba kama jiraan ku tilmaamay warar soo baxayay oo sheegaya in madaxweynaha Jabuuti booqanayo dhawaan dalka Eritrea.

8/1/2018 1:22 AM EST
Arbaco, August, 01, 2018 (HOL)–Howlgal qorsheysnaa oo ciidamo ka tirsan dowladda Soomaaliya ka sameeyeen degmada Afgooye ee gobolka Shabeellaha hoose waxaa ay sheegeen in ay ku qabteen 11 dagaalyahanno ka tirsan xoogagga Al-shabaab.

8/1/2018 1:04 AM EST
Arbaco, August, 01, 2018 (HOL)–Dhibaato dhaqaale, shaqaale yari iyo waliba daruufo kale oo la soo darsay ayaa laga yaabaa ugu danbeyntii ay meesha saarto Adeega AAMIN AMBULACE ah adeeg siweyn 12kii sano ee la soo dhaafay u mahadiyeen shacabka reer Muqdisho oo ay daashadeen dagaallo iyo colaado sokeeye.

8/1/2018 12:35 AM EST
Arbaco, August, 01, 2018 (HOL)–Guddoomiyaha ganacsatada dowlad gobolleedka Jubbaland, islamarkaana ah xoghayaha rugta ganacsiga Soomaaliyeed Shaafi Raabi oo dib ugu laabtay magaalada Kismaayo ayaa sharaxaad kooban ka bixiyay wax-yaabihii ka qabsaday garoonka Aadan Cadde ee magaalada Muqdisho.