Wasiirka arrimaha dibeda Jabuuti : Ma jirto booqasho madaxweyne Ismaaciil Cumar Geelle uu ku tagayo Eritrea
Arbaco, August, 01, 2018 (HOL)–Wasiirka
wasaaradda arrimaha dibeda dalka Jabuuti Maxamuud Cali Yuusuf oo Qoraal kooban
soo dhigay boggiisa Twitter-ka ayaa wax-ba kama jiraan ku tilmaamay warar soo
baxayay oo sheegaya in madaxweynaha Jabuuti booqanayo dhawaan dalka Eritrea.
Wasiirka ayaa ku tilmaamay wararka
ay baahiyeen qaar ka mid ah warbaahinta kuwo aan waxba ka jirin, isaga oo intaa
ku daray in wali aan xal laga gaarin sida uu hadalka u dhigay qalalaasihii
dhinaca xadduuda ee labada dowladdood Jabuuti iyo Ertirea.
Hadalka Wasiirka ayaa imanaya
kaddib markii qaar ka mid ah warbaahinta lagu daabacay warar sheegaya in dhawaan
magaalada Asmara uu tagi doono madaxweynaha dalka Jabuuti Ismaaciil Cumar
Geelle.
Dowladda Jabuuti ayaa dhawaan ka
cosatay Qaramada Midoobey in la xaliyo khilaafka dhinaca xudduuda ah ee kala
dhaxeeya dalka Eritrea.
Ertiea iyo Itoobiya ayaa iyagu
soo afjaray colaad ka badan 20 sano soo soctay, waxaana hadda muuqata in
xukuumada Asmara mar kale dib u soo ceshan doonto maqaamkeedii ay ku laheyd
qaarada iyo guud ahaanba caalam-ka intiisa.
C/raxmaan
Diini, Hiiraan Online
[email protected]