11/25/2020
Today from Hiiraan Online:  _
Wararka Maanta- Sabti, Apr 28, 2018
Dowladda Canada oo $ 18 Milyan dollar ugu deeqday Soomaaliya


 

Sabti,, April, 28, 2018 (HOL)-Dowlada Canada ayaa shaacisay in ay Soomaaliya ugu deeqday lacag dhan 18 milyan oo Dollar waxaana ku dhawaaqay warkaasi wasiirka socdaalka jansiyadaha iyo arrimaha Qaxootiga Canada Axmed Xuseen oo matalayay wasaarada Arrimaha Dibada ee dowlada Canada,

"Barnaamijkan waa barnaamij aad u muhiim u ahaa waa barnaamij ku saabsan dowlada Canada oo ugu deeqday dadka Soomaaliyeed oo dhibaateysan 18 milyan oo dollar oo loogu talo galay 5 milyan oo dad soomaaliyeed oo soomaliya ku dhax nool oo u baahan cunto u baahan daawooyin u baahan biyo iyo ciyaalka in laga caawiyo xaga wax barashada lacagtaan waa lacag aad u muhiim u ah waxaana saa'id ku sii ah 1 milyan oo Soomaali qaxooti ah oo wadanka banaankiisa ku nool, Kenya iyo Ethiopia ku nool iyagana macaawino ayaa u socota sanadkii la soo dhaafayna dowlada Canada 29 milyan ayeey ku gargaartay dadka Soomaaliyeed si ay ula dagaalanto abaartii ku dhufatay Soomaaliya meelo badan oo ka mid ah" ayuu yiri Axmed Xuseen.

Wasiir Axmed ayaa sidoo kale tilmaamay in ay muhiin tahay in aan la sugin inta ay masiibooyinka ku dhufanayaan dadka iyo dalka soomaaliyeed lacagtana ay sida ugu dhaqsiyaha badan u gaari doonto gacanta soomaalida si buu yiri wax looga qabto dhibaatooyinka jira.

"Abaarta markii ay dhacdo ka bacdi oo dad badan ay dhintaan in loo gurmado soomaaliya ma ahan hada waxaa jiro dad badan oo gaajeysan oo dhibaateysan daawo la'aan iyo biyo la'aan hayso dadkaasi waxaa ay u baahanyihiin in la caawiyo macnaha ma ahan in aan sugno abaar cusub in ay dhacdo 5 milyan oo qof ayaa maanta waxaa ay u baahantay in laga caawiyo xaga caafimaadka xaga cuntada iyo xaga biyaha si deg deg ah bay u gaareysaa saa maxaayeelay waxaa loogu talo galay dadka hada dhibaataysan in la gargaaro lacagtaasina waa lacag horay loo qoondeeyay oo loogu talo galay lacagaha ay dowlada sanadkan ku dhawaaqday marka ma ahan lacag hada la raadinayo ee waa lacag diyaar ah".

Si kastaba lacagtan ayeey dowlada Canada sheegay in ay marsiin doonto hay'adaha Qaramada Midoobay si loo gaarsiiyo dadka loogu talo galay waxaana taasi ugu wacan baa la yiri Soomaaliya xariir toos ah lama lahan dowlada Canada Safaarad-na kuma laha taasi ayaana sababtay in hay'adaha QM loo marsiiyo.

Dhinaca kale Xildhibaan Borys oo laga soo doorto Xaafada Soomalida ay ku badan-tahay ee Etobicoke oo howsahan in mudo ah kala shaqeynayay Axmed Xuseen ayaa sheegay in wasiirka arrimaha dibada ee dalka Canada la'aanteed ay adkaan lahayn helida deeqdan,

"Waxaan helay fursad aan kula kulmo oo aan kula hadlo Chrystia mudo kaddib tan iyo markii ay noqotay wasiirka arrimaha dibada sanad iyo bar ka hor waxaan u bandhigay arrinta Soomaaliya way i dhageysatay waxayna i siisay in aan arrinkan horay u sii wado hadii aanan haysan wasiir arrimo dibadeed oo leh dareenkaas iyo aaminaadaas ee ay ku qabto dadka aniga oo kala ah arrinkan aad ayuu markaasi u adkaan lahaa".

Dad badan oo ka qeyb-galay Barnaamijka deeqdan lacagtan ayaa aad u soo dhaweeyay waxayna tilmaameen in hadii si wanaagsan loo maareeyo dad badan oo u baahan gargaar wax loogu qaban karo.

XIGASHO: VOA













Click here
4/28/2018 4:25 PM EST
Sabti,, April, 28, 2018 (HOL) – Madaxweynaha dowladda Soomaaliya Maxamed Cabdullaahi Farmaajo iyo wafdi uu horkacayo ayaa la filayaa in maalinta barri ah u socdaalaan dalka Burundi iyaga oo ka qeybgali doona daawashada Finalka CECAFA U-17 oo ay isaga hor iman doonaan xulka kubadda Cagta Soomaaliya iyo Tansaaniya.

4/28/2018 9:58 AM EST
Sabti,, April, 28, 2018 (HOL)–Gudoomiyaha xisbiga mucaaradka ah ee WADDANI Md;C,/raxmaan Maxamed C/laahi Cirro ayaa xukuumadda ku eedeeyey inay ku fashilmeen inay wax ka qabtaan sicir bararka aafeeyey noloshii shacabka.

4/28/2018 9:03 AM EST
Sabti,, April, 28, 2018 (HOL)–Ra’iisal wasaaraha xukuumadda Soomaaliya Xassan Cali Kheyre oo goor dhaw shir jaraa’id ku qabtay magaalada Muqdisho ayaa sheegay in kulan deg deg ah oo ay yeesheen leysku afgartay in sida ugu dhaqsiyaha badan loogu gurmado dadka ay fatahaadu ku dhufatay, gaar ahaan magaalada Beledweyne.

4/28/2018 7:54 AM EST
Sabti,, April, 28, 2018 (HOL)–Ra’iisal wasaaraha xukuumadda Soomaaliya Xassan Cali Kheyre ayaa shir guddoominaya kulan goor dhaw ka furmay xarunta madaxtooyada Soomaaliya oo looga hadlayo xaalada Fatahaada Wabiga Shabeelle uu ka sameeyay qeybo ka mid ah gobollada dalka, gaar ahaan magaalada Beledweyne.

4/28/2018 5:18 AM EST
Sabti,, April, 28, 2018 (HOL)-Inta la xaqiijiyay Saddex ruux ayaa ku geeriyootay 6 kalana dhaawac ayaa soo gaaray kaddib markii Saakay Magaalada Gaalkacyo uu ka dhacay Qarax Ismiidaamin ah Sidda ay warbaahinta u xaqiijiyeen maamulka gobolka Mudug.

4/28/2018 2:10 AM EST
Sabti,, April, 28, 2018 (HOL)–Iyadoo dhawaan guddoomiye ku-xigeenka Golaha Shacabka Ibraahim Sheekh Muudeey xildhibaannada Baarlamaanka Soomaaliya u qeybiyay Nuqullo ka mid ah dastuurkii uu horay u sheegay in la xaday, ayaa hadda waxaa soo baxaya shaki arintan ay ka muujinayaan qaar ka mid ah xildhibaannada Golaha Shacabka.

4/28/2018 1:19 AM EST
Sabti,, April, 28, 2018 (HOL)-Dowladda Soomaaliya ayaa lagu waddaa in ay kulan deg deg ah ka yeelato xaalada Fatahaada ku dhufatay qeybo ka mid ah gobollada, gaar ahaan magaalada Beledweyne oo ay ku soo rogmadeen biyihii ugu badnaa ee soo mara sanadihii ugu danbeeyayb.

4/28/2018 1:03 AM EST
Sabti, April, 28, 2018 (HOL)-Madaxweynaha Maamulka Hir-Shabeelle Maxamed Cabdi Waare oo warbaahinta ayaa sheegay in marka la eego xadiga xaalada bani’aadannimo ee magaalada Beledweyne tahay mid ka baxsan awooda maamulka una baahan gurmad xeer caalami ah.

4/28/2018 12:49 AM EST
Sabti, April, 28, 2018 (HOL)-Wasaaradda caafimaadka ee maamulka Xamaas ee Qasa ayaa sheegtay in ciidamada Israel toogasho ku dileen saddex Falastiiniyiin ah oo ka qayb qaadanayey mudaharaad ballaaran oo lagaga soo horjeedo gidaarka Israel.

4/28/2018 12:42 AM EST
Sabti, April, 28, 2018 (HOL)-Dowladda Mareykanka ayaa ku baaqday in dowladda Soomaaliya laga taageero dhanka amniga si ay uga adkaato dagaalyahanada Al-Shabaab oo ay kula jirto dagaal xooggan.

4/28/2018 12:06 AM EST
Sabti,April, 28, 2018 (HOL)-Roobab culus oo xalay ka da’ay magaalada Beledweyne ayaa u muuqda kuwo uga sii darey xaalada Fatahaada iyo daadadka ka dhashay dhibicda biyaha roobka oo marba marka ka danbeysa sare u sii kacaya.