11/24/2020
Today from Hiiraan Online:  _
Wararka Maanta- Jimco, Apr 27, 2018
Al-shabaab sheegtay in ay weerareen kolanyo ay la socdeen ciidamada Kenya iyo kuwa Jubbaland


 

Jimco, April, 27, 2018 (HOL)– Wararka imanaya magaalada Kismaayo ee gobalka Jubbada Hoose ayaa sheegaya in weerar ku bilowday Qarax ay Al-Shabaab ku qaadeen ciidamo kolanyo ay la socdeen ciidamada Kenya iyo kuwa Jubbaland.

Al-shabaab ayaa la sheegay in weerarkan ay ku qaadeen Kolonyo gaadiid ah oo ay wateen Ciidamada Kenya iyo kuwa jubbaland kuwaas oo marayay degaanka Buulla gaduud oo qiyaastii 30 Km u jirta Magaalada Kismaayo ee gobalka Jubbada Hoose.

Goobjogayaal ayaa sheegay warbaahinta u sheegay in ciidamadan la wareeray ka soo baxeen magaalada Kismaayo ee gobalka Jubbaland,iyagoona ku sii jeeday deegaanka Buulla gaduud ee gobalkaasi.

Dadka deegaanka la hadlay  warbaahinta ayaa sheegay  in weerar uu ka dhacay  deegaanka Buulla gaduud ee gobalka Jubbada hoose, islamarkaana ay maqlayeen dhawaqa rasaasta oo ay isku adeegsanayeen ciidamada Kenya iyo kuwa Jubbaland iyo Al-Shabaab.

War ay baahisay Idaacad ku hadasha afka Al-Shabaab ayaa waxaa lagu sheegay in weerarka lagu qaaday ciidamada Kenya iyo kuwa Jubbaland uu ka dhashay khasaaro isugu jira dhimasho iyo dhaawac.

Dhinaca kale  ma jiraan wali wax war ah oo ka soo baxays saraakiisha ciidamada Kenya iyo kuwa Jubbaland kaasi oo ku aadan sheegashada Al-shabaab ee ah weerarka ay ku qaadeen kolanyada ay la socdeen ciidamada.

Ciidamada Kenya iyo kuwa Jubbaland iyo Dagaalamayaasha al-Shabaab ayaa Dhowr jeer waxaa ay ku dagaalameen Degaanka Buulla gaduud ee gobalka Jubbada Hoose.

C/raxmaan Diini, Hiiraan Online
[email protected]













Click here
4/27/2018 1:03 PM EST
Jimco, April, 27, 2018 (HOL) - Fatahaadan oo noqoneysa tii ugu cusleyd ee sanadihii ugu danbeeyay soo marta magaalada Beledweyne ayaa saameyn adag oo dhinaca nolasha ah ku yeelatay Kumannaan Kun oo Qoysas Soomaaliyeed ah, kuwaa oo qaarkoodna u mar kacay deegaannada baxsan magaalada halka kuwo kalana wali biyaha ku dhax go’doonsan yihiin.

4/27/2018 9:31 AM EST
Jimco, April, 27, 2018 (HOL)–Madaxweynaha dowlad gobolleedka Hirshabeele Maxamed Cabdi Waare ayaa sheegay in ku dhawaad 26 Kun oo Qoys ku barakaceen daadadkii ugu danbeeyay ee ka dhuftay magaalada Beledweyne.

4/27/2018 8:12 AM EST
Jimco, April,27,2018(HOL)– Wasaaradda arrimaha dibedda ee Dalka Itoobiya ayaa sheegtay inay ka go’an tahay inay Soomaaliya kasii howl-galaan Ciidamadeeda inta si weyn loo burburinayo Awooda Ururka Al-Shabaab.

4/27/2018 7:02 AM EST
Jimco, April, 27, 2018 (HOL)–Waxaa lagu wadaa in 7-da Bisha May ee foodda innugu so hayso la iclaamiyay shir ku aaddan Caalami ah ee ku aaddan Joojinta Ganacsiga Sharci darrada ah ee Dhuxusha.

4/27/2018 2:43 AM EST
Jimco, April, 27, 2018 (HOL)–Hogaamiyaha Kuuriyada Woqooyi, Kim Jong-un, ayaa sheegay in kulan madaxeedkii ugu horreeyey ee ay labda Kuuriya yeeshaan muddo toban sanadood iyo dheeraad ah, uu noqon doono bilowga taariikh cusub.

4/27/2018 1:04 AM EST
Jimco, April, 27, 2018 (HOL)–Waxaa sii kordhay saacadihii ugu danbeeyay biyaha ku Fatahaya magaalada Beledweyne ee xarunta gobolka Hiiraan kaddib markii ay is biirsadeen Roobab Lixaad leh oo da’aya iyo Wabiga Shabeelle oo Karkaarada jabsaday.

4/27/2018 12:22 AM EST
Jimco, April, 27, 2018 (HOL)-Ra’iisul Wasaare ku xigeenka Xukuumadda Federaalka Soomaaliya Mahdi Maxamed Guuleed Khadar ayaa kulan gaar ah la yeeshay Danjiraha dalka Sweden u qaabilsan Arrimaha Soomaaliya Andreas von Uexkull.