Arbaco, April, 25, 2018 (HOL )-Wararka ka imaanayo degaan ku dhaw
degmada Tiyeeglow ee Gobolka Bakool ayaa sheegaya in dagaal culus uu
halkaasi ka bilowday.
Dagaalkan ayaa sida la sheegay waxaa uu u dhaxeeyaa ciidamada ka
tirsan millitariga Soomaaliya iyo kuwa Koonfur Galbeed oo isku dhinac ah iyo
Ururka Al-shabab.
Warkan ayaa waxaa warbaahinta u
xaqjiiyay taliyaha ciidmada Booliiska gobolka Bakool iyo saraakiil kale oo ka
tirsan ciidamada dowladda.
Dagaalka ayaa yimid kadib markii xoogaga Al-shabab ay wadada u galeen
Kolonyo gaadiida ah oo ciidamada dowladu ay galbinayay islamarkaana Sahay
Shidaal, siday kuwaasi oo u sii jeeday degaano ka tirsan gobolka Bakool.
Goobjoogayaal ayaa warbaahinta u sheegay in ay maqlayaan hubka culus ee
la isku adeegsanayo dagaalka.
Si kastaba ilaa hada ma cada
khasaaraha labada dhinac walow la sheegayo in uu jirto wax-yeelo soo kala gaartay
garabyada dagaalku uu u dhaxeeyo.
Al-shabaab ayaa go’doomin ku haya
deegaanno badan ka tirsan gobolka Bakool iyaga oo dhinaca kalana carqalad ku
noqda isku socodka ciidamada AMISOM iyo kuwa dowlada.
Waxii ku soo kordha waan idin soo gudbin doonnaa.
Ilyaas Axmed Cilmi Guute
[email protected]
Muqdisho, Soomaaliya.
