Talaado, April, 24, 2018 (HOL) - Wasiirka Arrimaha dibedda iyo Iskaashiga caalamiga ah ee
Soomaaliya Axmed Ciise Cawed iyo Safiirka Turkiga u jooga Soomaaliya Mr Olgan
Bekar, ayaa maanta kulan ku yeeshay xarunta Wasaarada Arrimaha dibada ee
magaalada Muqdisho waxaana si gaar ah ay uga wada hadlay habka loo xoojin karo
wada shaqaynta Labada dal.
Kulankan ayaa lagu Lafa guray sidii
dowladda Turkiga ay usii xoojin lahayd taageerada ay siiso Dowlada Soomaaliya,
iyadoo labada dhinacna ay is dhaafsadeen Dukumiindiyo arrintaasi ku
xusan.
Intii lagu guda jiray kulanka ayaa labada dhinac sidoo kale ay isla soo qaadeen
sidii sare loogu qaadi lahaa xiriirka qotoda dheer ee ka dhexeeya Labada Wadan
iyo sidii loo xoojin lahaa iskaashiga Walaaltinimo ee wax wada qabsi.
Mr Olgan Bekar, Safiirka Dowlada Turkiga ee Soomaaliya ayaa dhankiisa ballan
qaaday Dalkiisa ay adkayn doonaan xiriirka ka dhexeeya Labada dhinac, wuxuna
sheegay in doorkooda ku aaddan garab istaagga iyo gargaarka ay siiyaan
walaalahooda Soomaaliya ay sii labo laabi doonaan
Ilyaas Axmed Cilmi Guute
[email protected]
Muqdisho, Soomaaliya.