Talaado, April, 24, 2018 (HOL) – Dagaal culus
ayaa lagu waramayaa in xalay deegaanka Ceelasha Biyaha ee dulleedka Muqdisho uu
ku dhaxmaray ciidamada howlgalka midowga Africa AMISOM iyo Al-shabaab.
Dagaalka ayaa yimid kaddib markii xoogag ka tirsan ururka Al-shabaab ay weerar ku
qaadeen fariisin ciidamada Midowga Afrika ee AMISOM ay ku leeyihiin degaankaasi.
Dagaal socday mudo ka badan afartan aqiiqo ayaa
xalay wuxuu halkaasi ku dhexmaray ciidamada Dowladda Federaalka iyo kuwa AMISOM
oo isku dhinac ah iyo ururka Al-shabaab.
Dadka degaanka oo ayaa sheegay in dagaalku ahaa
mid culus oo leysku adeegsaday hub kala duwan hasse ahaatee ma aysan sheegin
inta ay ka warqabaan khasaare uu sababay dagaalka.
Maamulka deegaanka Ceelasha Biyaha ayaa
dhinacooda ka gaabsaday in ay faah faahin ka bixiyaan weerarkan, balse waxay
tilmaameen in uu jiro dagaalka.
Al-shabaab ayaa inta badan weerarro toos ah kuwa
gaadmo ku beegsaday fariisimaha ciidamada AMISOM iyo kuwa dowladda Soomaaliya
ku leeyihiin deegaannada ka baxsan caasimada Muqdisho.
C/raxmaan Diini,
Hiiraan Online
[email protected]