3/28/2024
Today from Hiiraan Online:  _
Wararka Maanta- Jimco, Apr 20, 2018
Wasiir Beyle : Bankiga Aduunka iyo IMF waxaa ay ku qanceen qaabka maamulka maaliyadda

 

Jimco, April, 20, 2018 (HOL) - Wasiirka Maaliyadda Soomaaliya Dr Cabdiraxmaan Ducaale Beyle oo ka qayb galay shirka looga hadlayay taakulaynta iyo cafinta deymaha Soomaaliya ee ku soo dhamaaday Washington DC ayaa rajo ka muujiyay iyo natiijooyinka ka soo baxaya.

Wasiir Beyle oo kulamo gaar gaar ah la yeeshay madaxda Bankiga Adduunka, hay’adda IMF iyo masuuliyiintii kale ee shirka ka soo qayb gashay ayaa sheegay inay ku qanceen habka ay Soomaaliya u maareeyso dhaqaalaha kooban ee soo gala dalka.

“Shirka aan la qaadannay Bankiga Adduunka iyo IMF waxaa ay aad ugu qanceen qaabka maamulka maaliyadda, waxeyna noo ballan qaadeen in ay naga caawin doonaan arrimaha deynta” ayuu yiri wasiir Beyle.

Cabdiraxmaan Ducaale Beyle ayaa intaa raaciyay inay dowladda Soomaaliya ka go’an tahay inay ku shaqayso hufnaan iyo aragti fog, wuxuuna ballan qaaday inay Wasaaradda Maaliyaddu laba laabi doonto dedaalladeeda ku aaddan kobcinta dhaqaalaha dalka si beesha caalamku u aaminto.

Wasiirka ayaa ugu danbeyntii sheegay in dowladda Soomaaliya ay ka mahad celinayso shirkan oo ku qotoma bilawgii dayn cafinta Soomaaliya ee ay la gashay IMF taas oo ku dhiiro gelinaysa wadamada deeq bixiyayaasha iyo hay’adaha dhaqaalaha ee Aduunka in ay garab istaagaan Soomaaliya si loo xaqiijiyo yididiilada dalka uu ugu jiro hanashada hawlaha qaran.

C/raxmaan Diini, Hiiraan Online
[email protected]













Click here
4/20/2018 2:46 PM EST
Jimco, April, 20, 2018 (HOL)–Wasiirka Wasaaradda Arrimaha dibada xukuumadda Soomaaliya Axmed Ciise Cawad ayaa sheegay in dowladda Soomaaliya dib ugu celin doonto Imaaraadka lacagtii dhawaan lagu qabtay garoonka diyaaradaha magaalada Muqdisho.

4/20/2018 12:34 PM EST
Jimco, April, 20, 2018 (HOL)–Xulka Kubadda Cagta Soomaaliya oo uu horkacayo Macalin Salaad ayaa u gudbay Semi Final tartanka Cecafa ciyaartoyda da’’doodu ay ka hooseyso 17 jirada.

4/20/2018 11:00 AM EST
Jimco, April, 20, 2018 (HOL)-Xisbiga muxaafadka ah ee KULMIYE ayaa jawaab ka bixiyey hadalkii ka soo yeedhay dhigiisa xisbiga WADDANI ee uu kaga hadlayey heshiishkii dekadda Berbera.

4/20/2018 10:50 AM EST
Jimco, April, 20, 2018 (HOL)-Arsene Wenger ayaa ku dhawaaqay in dhamaadka xilli ciyaareedka in uu ka tagi doono shaqada Tababarenimo ee Kooxda Arsenal muddo 22 sano oo uu soo ley-liyay.

4/20/2018 2:35 AM EST
Jimco, April, 20, 2018 (HOL)–Shir caalami ah oo ay ka qeygalayaan Wakiilada dalalka Deeq bixiyeyaasha Mareykanka, Britain, Norway, QM, Midowga Yurub iyo IMF ayaa lagu qabtay xarunta Bankiga Aduunka Magaallada Washington ee dalka Mareykanka.

4/20/2018 12:49 AM EST
Jimco, April, 20, 2018 (HOL)–Boqorka dalka Swaziland Boqor Mswati III ayaa markii ugu horeysay ku dhawaaqay in uu bedelay magaca dalkiisa ee Swaziland una bixiyay “Boqortooyada eSwatini”.

4/20/2018 12:39 AM EST
Jimco, April, 20, 2018 (HOL)–Magaaladda Abuja ee dalka Nigeria, ayaa waxaa ku soo dhamaaday shirweyne socday muddo Saddex maalin ah, kaasi oo u dhaxeeyey Talisyadda Ciidanka difaaca Qaaradda Africa iyo Dowladda Mareykanka.

4/20/2018 12:25 AM EST
Jimco, April, 20, 2018 (HOL)–Maamulka Somaliland ayaa faah faahin dheeraad ah ka bixiyay xariga Boqor Cismaan Buur-Madoow oo ay xabsiga u taxaabeen ciidamada habeennimadii xalay.