Wasiirka Tamarta xukuumadda Soomaaliya oo isku soo taagay xilka guddoomiyaha Golaha Shacabka
Arbaco, April, 18 , 2018 (HOL)
- Wasiirka Wasaaradda Tamarta Soomaaliya Saalim Caliyow Ibrow Wasiirka kana tirsan baarlamaanka Soomaaliya ayaa u
dhawaaqay in uu u taagan xilka guddoomiyaha gobolka Shacabka.
Wasiirka ayaa weydiisatay
xildhibaannada Golaha Shacabka in ay codkooda siiyaan si uu ugu guuleysto xilka
Guddoomiyaha Golaha Shacabka oo uu sheegay inuu leeyahay khibradeeda, kana soo
bixi karo waajibaadka saaran, maadaama hada ay jirto dowlad leh Hay’adaheeda
Dastuuriga ah.
Guddoomiyihii Golaha Shacabka
Maxamed Sheekh Cusmaan Jawaari ayaa 9-kii bishan April iska casilay xilka
Guddoonka, sida xeerka Baarlamaanka uu dhigayana ay waajib tahay in booskaas
lagu buuxiyo mudo 15 maalmood ah.
Magaalada Muqdisho ayaa waxaa
ka bilowday Olole doorasho oo qaar ka ka mid ah Xildhibaanada Baarlamaanka
Soomaaliya ay ugu jiraan sidii ay u raadin lahaayeen xilkii uu baneeyay
Gudoomiye Jawaari.
Isla maanta sidoo kale waxaa
isku soo taagay xilkan wasiirka difaaca xukuumadda Soomaaliya Maxamed Sheekh
Mursal oo sheegay in uu u tartamo xilka guddoonka golaha Shacabka.
Magaalada Muqdisho ayaa waxaa
ka bilowday Olole Doorasho oo qaar ka ka mid ah Xildhibaanada Baarlamaanka
Soomaaliya ay ugu jiraan sidii ay u raadin lahaayeen xilkii uu baneeyay
Gudoomiye Jawaari.
C/raxmaan Diini,
Hiiraan Online
[email protected]
