11/25/2020
Today from Hiiraan Online:  _
Wararka Maanta- Khamiis, Apr 17, 2018
Mareykanka: Maxaabiista Soomaaliyeed ee ku xiran Miami oo 27-ka bishaan go’aan laga gaarayo



Talaado, April, 17, 2018 (HOL) - Maxkamad ku taallo Magaalada Miami ee gobolka Florida, ayaa 27-ka bishaan April lagu wadaa iney go’aan ka gaarto 52 maxaabiis Soomaaliyeed ah oo ku xiran labo xabsi oo ku yaallo magaaladaas.

Maxaabiistaan go’aan ka laga gaaraayo oo horay oga tirsanaa 92 maxbuus oo bishii December ee sannadkii horay laga dhoofiyay gobolka Louisiana iyagoo Soomaaliya loo waday, balse diyaaradii siday ay dib oga soo laabatay wadanka Senegal kadibna lagu xiray xabsiyo ku yaallo gobolka Florida.

18 ka mid ahaa maxaabiistaas, ayaa la sheegay in dib loogu celiyay Soomaaliya kadib markii ay codsadeen halka qaarkii soo horay ayaa lagu kala xiray xabsiyada Krome iyo Glades oo ku yaallo Miami.

Maxaabiistaan Soomaaliyeed oo iskugu jiro kuwa wax badan joogay Mareykanka oo sharciyada loo diiday iyo waliba qaar dambiyo ka galay dalkaan oo maxkamda ay horay ogu xukuntay in dib loogu celin doono dalkooda, ayaa sannadkii hore waxey ciidamada Bilayska ee magacooda loo soo gaabiyo ICE ay ka soo qabteen gobolada Mareykanka qaarkood oo Minnesota iyo Georgia ay ugu horeeyaan.

Qaar kamid ah ehelada dadkaas xiran oo ka tagay magaalada Atlanta ee xarunta gobolka Georgia, ayaa horaantii bishaan mudahaar ka sameyay albaabka hore ee xasbiga ay eheladoodu ku jiraan.

Cawil Falaag oo ka mid ahaa dadkii ka qeyb galay mudaharaadkaas, ayaa Hiiraan Online u sheegay in Magaalada Atlanta ay ka tageen kadib markii lagu casuumay banaanbax ay soo qaban-qaabiyeen ururka garyaqaanada u doodo maxaabiistaas Soomaaliyeed iyo Jaamacada Florida.

Cawil oo u dhaq-dhaqaaqo arrimaha bulshada, ayaa intaas ku daray in 27-ka bishaan ay Maxkamada Miami dhageysan doonto dacwada maxaabiistaan kadibna ay go’aan rasmi ah ka gaari doonto.

Garyaqaanada u doodaayo dadka xiran, ayaa warbaahinta u sheegay in xadgudubyo ay kala kulmaan maxaabiista Soomaaliyeed xabsiyada ay ku jiraan ee Krome iyo Glades. Waxeyna ka codsadeen agaasimaha xafiiska ICE ee Miami in si deg-deg ah loo joojiyo dhibkaas isla markaasna baaritaan la sameeyo.

Dhanka kale Marc Moore oo ah agaasimaha xafiiska ICE ee magaalada Miami, ayaa beeniyay eedeymahaas, wuxuuna sheegay in si sharciga waafaqsan loola dhaqmo dadka xabsiyada ku jiro.

Najah Mohamed Ali, Hiiraan Online

E-mail: [email protected]

Atlanta, Georgia – Mareykanka













Click here
4/17/2018 4:01 PM EST
Talaado, April, 17, 2018 (HOL)– Madaxweynaha Soomaaliya Maxamed Cabdullaahi Farmaajo oo ay weheliyaan abaanduulaha Ciidamada Xoogga Dalka Jeneraal Cabdillaahi Cali Caanood, Taliyaha Ciidanka Asluubta S/Guud. Bashiir Maxamed Jaamac iyo saraakiil kale ayaa maanta kormeer ku tagay kuliyadda Jaalle Siyaad oo xarun u ah ciidamada Burundi ee qaybta ka ah howl-galka AMISOM ee Soomaaliya.

4/17/2018 12:08 PM EST
Talaado, April, 17, 2018 (HOL)–Alla ha u naxariistee Maxamed Cabdilaahi oo watay gaari nooca loo yaqaan Candho Maydle ayaa Dooxa Aw Barkhadle ee u dhexeeya Hargeysa iyo Berbera ku qaaday kaddib markii daadad waaweyn ku soo rogmadeen.

4/17/2018 9:13 AM EST
Talaado, April, 17, 2018 (HOL)–Khuburo dhanka kiimikooyinka ah ayaa loo ogolaan doonaa in ay booqdaan goobtii la sheegay in uu weerarka kiimikada ah ka dhacay Arbacadii, sida ay dawladda Ruushku sheegtay.

4/17/2018 8:38 AM EST
Talaado, April, 17, 2018 (HOL) -Wafdi ka socday bangiga Adduunka, wasaaradaha qorsheynta iyo howlaha guud ee dowladda Soomaaliya oo shalay gelinkii danbe soo gaaray magaalada Kismaayo ayaa waxaa ay kulamo la lahaayeen madaxda Jubbaland, ayadoo kulamadaasi diiradda lagu saarayay mashaariic horumarineed oo laga fulin doono magaalada Kismaayo.

4/17/2018 5:15 AM EST
Talaado, April,17,2018 (HOL)–Danjiraha a Midowga Africa u fadhiya Soomaaliya ayaa isniintii ku dhawaaqay dadaaalo adag oo ladoonayo in looga hortago qatarta wax-yaabaha qarxa ee ku wajahan ciidamadda amaanka iyo shacabka Somaaliyeed intaba.

4/17/2018 4:19 AM EST
Talaado, April, 17, 2018 (HOL)–Xukuumada Qadar ayaa maanta Gaadiid ku wareejisay maamulka gobolka Banaadir si loo dardargeliso howlaha ka socda dowladda Hoose ee Xamar.

4/17/2018 3:29 AM EST
Talaado, April, 17, 2018 (HOL)–Sida lagu shaaciyay qaar ka mid ah warbaahinta dowladda Isreal ayaa ka sii deysay xabsi ku yaala magaalada Saxaronim ee Koonfurta Israel shalay oo Isniin aheyd 200 oo Muhaarijiin ah, kuwaasi oo ka soo kala jeeda qaarada Africa.

4/17/2018 12:36 AM EST
Talaado, April, 17, 2018 (HOL) - Taliska ciidamada militariga dowladda Soomaaliya ayaa waxba kama jiraan ku tilmaamay warar saacadihii ugu danbeeyay soo baxayay oo sheegaya in ciidamo ka tirsan dowladda Soomaaliya boobeen agabkii yaala dugsiga Jen Gordan oo ay maamulaan Imaaaraadku.

4/17/2018 12:24 AM EST
Talaado, April, 17, 2018 (HOL)-Madaxweynaha dowlad gobolleedka Puntland Cabdiwali Maxamed Cali Gaas ayaa sheegay in lacagtii todobaadkii hore dowlada Soomaaliya ay ku qabatay garoonka diyaaradaha Muqdisho qeyb ka mid ah Imaaraadku ugu talagaleen ciidamada ku sugan deegaannada Puntland oo ay tababaraan.