Talaado, September, 12, 2017 (HOL) – Iyadoo maalintii Sabtidii todobaadkan uu baaqday kulan la
filayay in looga dooddo arinta ama Kiiska Cabdikariin Sheekh Muuse Qalbi
Dhagax, ayeey mar kale guddiga joogtada ah ee baarlamaanka go’imiyeen in
kulanka maalinta Berri ah dhacaya looga dooddi doono go’aanka xukuumada ay ka
qaadatay dhiibistii Qalbi-Dhagax.
Xildhibaan ka tirsan baarlamaanka federaalka ayaa warbaahinta u sheegay in
xildhibaanada loo soo diray fariin qoraaleed loogu sheegayo in uu jiro kulan,
kaasi oo qodobada looga hadlayo ay ka mid yihiin arrinta Qalbi Dhagax.
Xildhibaanada Aqalka Sare ee dalka oo shalay kulan ku yeeshay Muqdisho ayaa
dib u dhigay ka hadalka Kiiska C/kariin Sheekh Muuse Qalbi-dhagax, kadib markii
Xildhibaanada qaar ay soo jeediyeen in Ajandaha laga saaro kulanka, halka
Xildhibaanada qaarna ay ku adkeysteen in aanan laga saarin Ajandaha kulanka,
taasi oo dhalisay buuq ka dhex dhashay xarunta Aqalka Sare ee dalka.
Kulankii Sabtidii aynu soo dhaafnay ka baaqday xildhibaannada gollaha
shacabka ayaa dood badan ka dhax abuuray gollaha, iyadoo xildhibaannada qaar ku
eedeeyeen xukuumada in ay si ku talagal ah u baajisay kulankaas.
Tan iyo markii uu soo baxay warka ku saabsan in dowladda Soomaaliya ku
wareejisay Itoobiya sarkaalka ka tirsanaa ururka ONLF dowladda Soomaaliya waxaa
soo wajahay culus siyaasadeed oo
dhinacyo badan ka imanaya.
C/raxmaan Diini, Hiiraan Online
[email protected]