Muxuu ka dhigay yahay go’aanka maxkamada sare ee Kenya ay ku baabi’isay doorashadii Uhuru Kenyatta
Jimco, September,01, 2017 (HOL) – Warka ugu weyn guud
ahaan marka la eego Qaaradan Africa waa go’aanka ay gaartay maxkamada sare ee
Kenya oo taariikhda inta la ogyahay ku tilmaamtay doorasho mid aan waxba ka
jirin.
Maxkamada
sare ayaa go’aamisay in aysan waxba ka jirin doorashadii dhacday 8dii bishii
Augusto ee ina dhaaftay, madaama sida ay maxkamadu sheegtay aysan u dhicin hab waafaaqsan xeerka
doorasho ee dalkaasi Kenya.
Garsoorayaasha
oo Labo u kala jabay ayaa Afar ka mid ah waxaa ay isku raaceen in qaladaadka
dhacay ay dhaawaceen hanaankii doorashada, halka labo garsoore kale arintaan ka
soo horjeesteen, mid ka mid ah garsoorayaasha ayaan maqnaa sababo la xiriira caafimaadkiisa.
Horay
siyaasiyiinta Mucaaradka ayaa shaki badan ka qabay go’aanka ka
soo bixi doono maxkamada, laakiin markan waxaa ay u soo dhaweeyeen natiijada ay
soo saartay maxkamada si ‘’Kal Furan’’
Raila
Odinga oo ah hogaamiyaha mucaaradka dacwada gudbiyay ayaa sheegay in go’aankan
oo kale ah aan laga fileyn Qaarada oo dhan, waxaana uu tallaabada maxkamada ku
tilmaamay mid taariikhi ah.
Caalamka
guud ahaan marka la eego maxkamadaha saddex dowladood oo kaliya ayaa baabi’iyay
natiijo doorasho kuwaa oo kale ah wadamada Ukraine 2004, Maldives 2013, Austria
2016, laakiin maxkamada sare ee Kenya ayaa noqoneysa tii Afaraad ee dunida
gaartay go’aan noocan ah.
Waxay shaacisay in 60 maalmood gudahood lagu qabto doorasho kale
oo ay ku tartami doonaa Uhuru Kenyatta iyo Raila Odinga kuwaa oo helay codadkii
ugu badnaa doorashada la baabi’iyay.
C/raxmaan Diini, Hiiraan Online
[email protected]
