Taliska Booliiska oo dhaqaale ugu deeqay dadkii ay wax yeellada ka soo gaartay Qaraxii Zoobe
Khamiis, October, 26, 2017 (HOL) –Munaasabad maanta lagu qabtay xarunta School Police –yo ayaa looga dhawaaqay deeq lacageed oo taliska
booliiska Soomaaliyeed ugu deeqay dadkii ay wax yeellada ka soo gaartay Qaraxii
14kii bishan ka dhacay Isgoyska Zoobe
KM5 magaalada Muqdisho.
Taliyaha ciidamada booliiska Soomaaliyeed Jen
C/xakiin Daahir Saciid [Saacid] oo
goobta ka hadlay ayaa sheegay in loo baahan yahay in dhacdadii Zoobe laga barto, islamarkaana isku muujiyaan umadda Soomaaliyeed dareen Amni
iyo in leyska xil saaro sidii leysku barbar taagi lahaa dadkii ay wax yeellada
ka soo gaartay Qaraxii Zoobe.
Taliska ciidamada booliiska Soomaaliyeed ayaa ugu deeqay
dadkii ay dhibaatada ka soo gaartay qaraxa lacag dhan $ 61,990 dollar [Lixdan
iyo Kow Kun Sagaal Boqol iyo Sagaashan Dollar] oo lagu wareejiyay
guddoomiyaha gobolka Banaadir Taabit Cabdi Maxamed oo ka qeybgalay munaasabada.
Dhinaca kale taliska booliiska Soomaaliyeed ayaa ka
tacsiyeey geeridii ku timid Jen Maxamed Abshir Muuse oo ahaa taliyihii ugu
horeeyay ee ciidamada booliiska Soomaaliyeed.
Munaasabada ayaa intii ay soctay waxaa shahaado Sharaf
lagu gudoonsiiyay xarumo iyo shaqsiyaad loo arkayay in ay qeybweyn ka qaateen
gurmadkii loo fidiyay dadkii ay wax yeellada ka soo gaartay Qaraxii Zoobe,
waxaana xubnaha Shahaaddada la guddoonsiiyay ka mid ahaa saraaakiil ka tirsan
ciidamada booliiska.
Dhinaca kale, isla munaasabada ayaa lagu soo gabagabeeyay
tababar loo soo xiray saraakiil ka tirsan ciidamada booliiska Soomaaliyeed oo
la baray.
C/raxmaan Diini, Hiiraan Online
[email protected]
