Sawir Muujinaya Gaarigii xamuulka ahaa ee isku qarxiyay Zoobe iyo mashquulka goobta qaraxa ka hor
Talaado, November, 14, 2017 (HOL) – Bil ayaa ka soo wareegtay Qaraxii lagu
hoobtay ee 14kii bishii October ee ina dhaaftay ka dhacay Isgoyska Zoobe, waana
qaraxii ugu weynaa oo Taariikhda soo mara Soomaaliya.
Hadaba bil kaddib waxaa la soo bandhigay Sawir muujinaya gaarigii xamuulka
ahaa isku qarxiyay Isgoyska Zoobe ka hor inta uusan is qarxin, waxaana sawirkan
qabtay kaamirada Qarsoon ee loo yaqaano CCTV oo ku xirneyd agagaarka Isgoyska.
Gaariga ayaa la arkayaa isaga oo ku soo socda dhinaca Isgooyska Zoobe kana
yimid dhinaca Isgoyska Banaadir iyo wasaarada arrimaha dibada.
Sidoo kale waxaa sawirka ka arki kartaa gaarigii xamuulka ahaa ee siday
Sokorta ee goobta ku gubtay oo ku sii jeeda dhinaca waddada uu ka soo socdo gaariga
xamuulka ah is qarxinta geystay, waxaa kale oo sawirka kaga muuqanaya sida uu Isgoysku u
ahaa mid mashquul badan daqiiqad ka hor inta uusan qaraxu dhicin.
Muuqaalkan ay duubtay Kaamirada Qarsoon ayaa waxaa laga sii daayay
Telefishinka SNTV ee dowladda Soomaaliya.
C/raxmaan Diini, Hiiraan Online
[email protected]
