Talaado, July, 11, 2017 (HOL) – Waxaa wali xiran
ganacsiga magaalada Boosaaso ee xarunta gobolka Bari, kaddib canshuuro dheeraad
ah oo lagu soo rogay ganacsatada.
Maamulka Puntland ilaa
haatan si faah faahsan uga aysan hadlin
murankan ka taagan canshuurta cusub ee la sheegay in la soo rogay.
Xaaji Maxamed
Siciid oo ka mid ah ganacstada magaalada Boosaaso oo la hadlay VOA ayaa sheegay
in maalintii Afaraad ganacsiga magaalada Boosaaso uu u xiran yahay canshuur uu
maamulka ku soo rogay ganacstada.
‘’Ilaa Khamiistii aan soo dhaafnay suuqa waa uu xiran yahay, waadna ogtihii dhibaatada arintaa ay sababtay
awalba dadka oo xaalad abaar ah isaga jiray, haddana in ay waayaan
meel ay wax ka iibsadaan wa dhibaato’’ ayuu yiri Xaaji Maxamed Saciid.
Canshuurtan sababtay in uu ganacsiga magaalada xirmo ayuu
ku sheegay in ay tahay mid ku cusub dadka ku dhaqan magaalada Boosaaso, isaga
oo intaa ku darray in xitaa deegaannada kale ee dowlad gobolleedka Puntland aan
laga qaadin.
‘’Annaga canshuur bixiyayaal ayeeynu nahay, laakiin tan
hadda nalagu soo rogay ee uu ganacsigu u xiran yahay waa mid nagu cusub oo
xitaa aan laga qaadin deegaannad kale ee Puntland’’ ayuu yiri ganacstadaha u
waramay VOA.
Magaalada Boosaaso ayaa ka mid ah magaalooyinka dalka ee dhinaca ganacsiga ugu hormarsan.
C/raxmaan
Diini, Hiiraan Online
[email protected]
