Talaado, July, 11, 2017 (HOL) - Kooxaha burcadbadeeda Soomaalida ayaa lagu
eedeeyay in ay taageeraan Ururka Daacish ee ka dagaalanta dalalka Ciraaq iyo
Siiriya.
Hay’adaha Caalamiga ee falanqeeya Arrimaha argagixisada ayaa waxaa ay
sheegeen in ay tuhunsan yahay in kooxaha burcadbadeeda iyo sidoo kale Ururka Daacish
ee uu ka dhaxeeyo xiriir.
Warbixin dheer oo laga sii daayay TV-ga CNN ayaa lagu sheegay QM iyo sidoo
kale dowladda Mareykanka ay ogyihiin in ugu yaraan labo Afduub Kooxaha
Burcadbadeeda Soomaalida ay ka saacideen Kooxo Argagxiso.
Qaramada Midoobey ayaa sheegtay in ay muhiim tahay in Kooxaha Burcadbadeeda
Soomaalida laga qaado tilaabo adag, maadaama ay khatartooda ay sii kordheyso.
Madaxda caalamka ayaa cabsi weyn ka qabta in kooxaha Burcadbadeeda
Soomaalida in ay u xuubsiibtaan Argagaxiso.
Hoggaamiyeyaasha Kooxaha Burcadbadeeda ayaa horay loogu eedeeyay in ay
taageeraan Al-Shabaab iyo sidoo kale Al-Qaacida.
C/raxmaan Diini, Hiiraan Online
[email protected]