Talaado, July,
11, 2017 (HOL)- Ciidamada amniga Somaliland ayaa xabsiga u taxaabay dad lagu
eedeeyey inay faqayeen qubuuro ay ku aasan yihiin wadaad caan ka ah degmadda
Arabsiyo.
Xabaashan
la doonayey in la faqo ayaa ka mid ah Xabaalaha mid ka mid ah wadaadada la
siyaarto ee sanad waxaana dadka lagu qabtay kala ahaayeen afar qof oo kala ah
nin ganacsade ah, nin qurbo joog ah iyo laba Askari oo dirays xiran.
Gudoomiyaha
degmada Arabiyo Cabdilaahi Cabdi Faarax oo warbaahinta la hadlay ayaa sheegay
in maalin hore lagu arka iyagoo faqaya balse markii la arkay ay baxsadeen, hase
ahaatee hadana mar labaad lagu arkay taas oo keentay shakiga hadda ah in
laga daba tago oo la soo qabto, inkastoo uu sheegay in labaddii askari ay
baxsadeen.
“Laba
nin baa qodayey labana gaar bay
ahaayeen, baabuurkaasi waa laga daba tagay koontoolka Caabudleh ayaa lagu soo
qabtay, laba nin waa reer Hargeysa oo mid waa ganacsto iyo mid qurbo joog
ah waa arrin dareen kicisay, markii kowaad ee lagu arko maaha Arabsiyo waa
markii labaad”ayuu yiri gudoomiyaha degmadda Arabiyo Cabdilaahi Cabdi.
Waxaanu
intaas ku daray “Sadex sanno ka hor waxa rag isku dayeen in ay faqaan wadaad
caan ka ahaa degmadan Arabsiyo oo la odhan jiray Aw Gaab Dagaal oo ahaa
aasaasihii magaalada iyo culimadii ugu hor degay isagoo xabaashiisa la qodayo
ayaa la arkay, waxbaa nagaga Aasan bay yiraahdeen kuwaasi”
Gudoomiyaha
degmadda Arabsiyo ayaa sheegay in wadaadkan hadda qabrigiisa la qodayey
magaciisa la yidhaahdo Suufi Nuuriye, “ qabriga hadda la qodayey waxa la
yiraahda Suufi Nuuriye, waa sheikh caan ah ilaa lixdankii ayaa lagu aasay,
markii la qodayey siyaaradii maalintii la dhigayey ayeey ahayd, waxaa
bartilmaameed looga dhigay culimadii hore waxa loo qodayo ayaa jirta waayo
xaabuluhu waa kuwaas badan, marka kooxaha wax qoda uun baa lagu tirin kara oo
Al shabaab iyo Daacishba xabaalaha way qodaan”.
Barkhad-ladiif
M. Cumar, Hiiraan Online
[email protected]
Hargeysa,
Somaliland.
