Jimco, December, 22, 2017 (HOL) - Madaxweynaha maamulka Hirshabeelle Maxamed Cabdi
Waare ayaa dadaal ugu jira sidii xildhibaannada baarlamaanka maamulka u ansixin lahaayeen golaha wasiirada.
Madaxweynaha ayaa xalay kulamo la lahaa xildhibaannada Hirshabeelle,
waxaana uu kala hadlay sidii ay u ansixin lahaayeen golaha Wasiirada, sidoo
kale kulamada waxaa qeyb ka ahaa odayaasha dhaqanka.
Kulamadan ayaa sidoo kale waxaa qeyb ka ahaa mas'uuliyiin kale oo ka tirsan maamulka sida madaxweyne ku-xigeenka iyo guddoonka Baarlamaanka Hirshabeelle, waxaana rajo laga qabaa in
la meel mariyo golaha wasiiradda
Wararka ayaa sheegaya in maalmaha soo socda lagu wado in golaha wasiirada
cusub ee Hirshabeelle ay hor-tagaan Baarlamaanka, si codka kalsoonida loogu
qaado.
Madaxweyne Waare ayaa bishii hore ku dhawaaqay
gole wasiiro cusub oo aanay ku jirin Xildhibaanada Baarlamaanka, waxaana
arrintan ka soo horjeestay xildhibaanada qaar.
C/raxmaan Diini, Hiiraan Online
[email protected]