Axad, September, 17, 2017 (HOL) – Rag hubeysan ayaa weerar ku qaaday gaari
uu saarnaa Taliyaha ciidamada nabad-sugida degmada Kaxda
ee gobolka Banaadir.
Taliyaha ayaa waxaa soo gaaray dhaawac, waxaana dhintay Askari ilaalo u ahaa
sida ay xaqiijiyeen saraakiil ka tirsan ciidamada NISA.
Rag hubeysan ayaa la sheegay in ay rasaas ku furay gaariga yar oo
uu saarnaa taliyaha.
Taliyaha ayaa la sheegay in xiligan la weeraray uu marayay Xoosh ee degmada
Dherkeenley.
Kooxdii ka danbeysay falka lagu beegsaday taliyaha ayaa ka baxsaday goobtii ay weerarka ka gaysteen, waxaana ay wateen gaari
NOAH ah oo ay ku baxsadeen.
Ciidamo katirsan kuwa amaanka dowlada Soomaaliya ayaa gaaray goobta uu weerarku ka dhacay, waxa ayna halkaasi ciidamada ka qaadeen dhaawaca sargaalkan ka tirsanaa nabad sugida iyo askariga dhintay.
C/raxmaan Diini, Hiiraan Online
[email protected]
