3/28/2024
Today from Hiiraan Online:  _
Wararka Maanta- Sabti, Sept 16, 2017
Maxamed Cabdi Waare oo ku guuleystay doorashada madaxweynaha Hirshabeelle

 

Sabti, September, 16, 2017 (HOL) – Waxaa daqiiqado ka hor la soo gabagabeeyay doorashadii madaxweynaha dowlad gobolleedka Hirshabeelle iyadoo doorashada madaxweynaha uu ku guuleystay Maxamed Cabdi Waare.

Maxamed Cabdi Waare ayaa ku guuleystay 74 cod, halka musharixiin la tartamayay Daahir Cabdulle Cawaale uu halay 23 cod.

Doorashadan oo aheyd mid xiiso badan ayaa waxaa ku tartamay 8 musharax waxaana wareegii koowaad isugu soo haray Afar musharax oo labo ka mid ah ka tanaasuleen in ay tartamaan.

Maxmed Cabdi Waare ayaa ahaa musharixiin kula tartamay bishii October sanadkii hore 2016 madaxweynihii kalsoonida lagala laabtay ee Cali Cabdullaahi Cosoble.

Ciidamada dowladda Soomaaliya iyo  AMISOM ayaa la wareegay amnig madaxweynaha cusub ee la doortay.

Madaxweynaha cusub ee maamulka Hirshabeelle ayaa ugu danbeyntii la dhaariyay, waxaana uu jeedin doono khudbad uu uga hadlayo guushiisa iyo waxyaabaha uu qaban doono saddexda sano ee soo socota.

C/raxmaan Diini, Hiiraan Online
[email protected]













Click here
9/16/2017 1:45 PM EST
Sabti, September, 16, 2017 (HOL) – Warar dheeraad ah ayaa ka soo baxaya toogasho caawa ka dhacday degmada Dherkeenley ee gobolka Banaadir.

9/16/2017 12:13 PM EST
Sabti, September,16, 2017 (HOL)- Wasaaradda Waxbarashadda Somaliland, ayaa maanta ku dhawaaqday Imtixaanka shahaadiga ee dugsiyadda Hooose/dhexe iyo dugsiyadda Sare.

9/16/2017 10:40 AM EST
Sabti, September, 16, 2017 (HOL) – Ciidamada amaanka dalka Britain ayaa sheegay in la qabtay nin dhalinyaro nin18 jir kaasi oo la tuhunsan yahay in uu ka dambeeyay qarax lala beegsaday mid ka mid ah Tareenada mara dhulka hoostiisa mara, ee magaalada London.

9/16/2017 9:43 AM EST
Sabti, September, 16, 2017 (HOL) – Aqalka Cad ee dalka Mareykanka ayaa sheegay in Madaxweyne Donal Trump uu la kulmayo maalinta Talaadada Amiirka Qadar Sheekh Tamiim Bin Xamda Al Thaani, xilli magaalada New york uu ka furmayo Shirka Golaha loo dhan yahay ee QM.

9/16/2017 8:31 AM EST
Sabti, September,16, 2017 (HOL)- Aqoonyahan Dr:Xuseen Cabdilaahi Bulxan ayaa ka warbixiyey shir Turkiga ka dhacay oo ay isku soo hor fadhiisteen aqoonyahano ka kala socda Somaliland iyo Soomaaliya oo aqoonyahano Turkiga ahina goob joog ka ahaayeen.

9/16/2017 7:14 AM EST
Sabti, September, 16, 2017 (HOL) – Wareegii hore ee doorashada madaxweynaha dowlad gobolleedka Hirshabeelle ayaa goor dhaw soo dhamaantay, waxaana wareega labaad isugu soo haray Labo musharax.

9/16/2017 5:40 AM EST
Sabti, September, 16, 2017 (HOL) – Xarunta doorashada Hirshabeelle ayaa waxaa goor dhaw ka bilaabatay codbixinta doorashada madaxweynaha maamulka Hirshabeelle oo ay ku tartamayaan 8 musharax.

9/16/2017 4:44 AM EST
Sabti, September, 16, 2017 (HOL) – Waxaa soconaya diyaargaroowgii ugu danbeeyay doorashada madaxweynaha maamulka Hirshabeelle magaalada Jowhar ee xarunta gobolka Shabeellaha dhexe.

9/16/2017 3:52 AM EST
Sabti, September, 16, 2017 (HOL) -Xaaladda magaalada Ceelwaaq ee gobolka Gedo ayaa kacsan kadib markii ay saaka gudaha u galeen Maleeyshiyaad ka tirsan Al-shabaab oo weerar qorsheeysan ku qaaday.

9/16/2017 1:33 AM EST
Sabti, September, 16, 2017 (HOL) - Madaxweynaha dowlad deegaanka Ismaamulka Soomaalida Itoobiya Cabdi maxamuud Cumar, ayaa sheegay in ciidamada maamulka soo badbaadiyeen sida uu hadalka u dhigay 300 oo ruux Soomaali oo ay sida uu sheegay la damacsanaa in lagu laayo deegaanka Oromada.

9/16/2017 1:23 AM EST
Sabti, September, 16, 2017 (HOL) - Weerar culus oo loo adeegsaday qaraxyo iyo hubka noocyadiisa kala duwan oo Aroornimadii hore ee saakay Al-shabaab ay ku qaadeen Ceel-Waaq kaddib ayeey u suurtagashay in ay la wareegaan guud ahaanba gacan ku heynta degmada.

9/16/2017 1:09 AM EST
Sabti, September, 16, 2017 (HOL) - Dagaal culus oo u dhaxeeya ciidamo ka wada tirsan dowladda federaalka Soomaaliya ayaa Aroornimadii hore ee saakay ka dhacay weybo ka mid ah degmooyinka Deyniile iyo Hodan ee gobolka Banaadir gaar ahaan agagaarka Haanta-dheer xeradii ciidamada 77 illaa difaaca cirka.

9/16/2017 12:55 AM EST
Sabti, September, 16, 2017 (HOL) – Iyadoo maanta lagu wado magaalada Jowhar in ay ka dhacdo doorashada madaxweynaha maamul gobolleedka Hirshabeelle, ayeey dhinaca kale sheegtay dowladda Soomaaliya in ay dhaxdhaxaad ka tahay dhinacyada ku tartamaya doorashada.