11/23/2017
Today from Hiiraan Online:  _
Wararka Maanta- Talaado, Sept 12, 2017
Al-shabaab oo sii deysay shaqaale gargaar oo ay ka afduubeen gobolka Hiiraan


 

Talaado, September, 12, 2017 (HOL) –Xarrakada Al-shabaab ayaa dib xoriyadooda u siisay labo gabdhood oo howlo samafal ah ka wada gobolka Hiiraan labo bilood ka hor.

Warar soo baxaya ayaa sheegaya in sii deynta gabdhahan ku timid kaddib markii ay ka qaateen lacago madax furasho ah,sida ay sheegeen qaar ka mid ah waalidiinta gabdhahan oo la hadlay warbaahinta.

“Muddo labo bilood ah ayeey Al-shabaab u afduubnaayeen gabdhahan oo saddex maanta ayaa la soo daayay,waxaa nalaga qaatay lacag madax furasho ah,waxey ka shaqeynayeen howlo samafal ah oo ay gobolka ka wadaan. “ayuu yiri mid ka mid Ehelada Gabdhahan.

Gabdhahan ayaa 16kii bishii July laga afduubtay deegaanka lagu magacaabo Farlibaax oo ka tirsan gobolka Hiiraan,waxaana ay ka tirsanaayeen hay’adda Hello-Trast ,iyagoo halkaas ka waday howlo samafal ah, waxaan wali maqan qof kale oo ka mid ahaa shaqaalaha oo ku jira gacanta Al-shabaab.

Ma’aha markii ugu horeysay oo sidan oo kale Al-shabaab lacago madax furasho ah ka qaataan shaqaalle samafal oo ay ka qafaasheen deegaanno ka tirsan gobolka Hiiraan.

C/raxmaan Diini, Hiiraan Online
[email protected]





Post your comments

9/12/2017 3:24 PM EST
Talaado, September, 12, 2017 (HOL) – Dowlad gobolleedka Puntland ayaa taageeray go'aankii Xukuumada Soomaaliya dhawaan ka qaadatay wareejintii C/Kariin Sheekh Muuse Qalbi Dhagax oo ka mid ahaa Saraakiisha ugu sareysa Jabhada ONLF.

9/12/2017 12:40 PM EST
Talaado, September, 12, 2017 (HOL) – Iyadoo maalintii Sabtidii todobaadkan uu baaqday kulan la filayay in looga dooddo arinta ama Kiiska Cabdikariin Sheekh Muuse Qalbi Dhagax, ayeey mar kale guddiga joogtada ah ee baarlamaanka go’imiyeen in kulanka maalinta Berri ah dhacaya looga dooddi doono go’aanka xukuumada ay ka qaadatay dhiibistii Qalbi-Dhagax.

9/12/2017 10:19 AM EST
Talaado, September 12, 2017 (HOL) – Madaxweynaha Somaliland, mudane Axmed Maxamed Silaanyo ayaa maanta ka qaybgalay xafladda daah-furka barmaamij-siyaasadeedka cusub ee xisbiga Kulmiye,taas oo ay ka soo qaybgaleen madaxda sare ee xisbiga iyo taageerayaasha xisbiga.

9/12/2017 10:04 AM EST
Talaado, September, 12, 2017 (HOL) – Afar ruux oo u dhalatay dalka Burundi ayaa lagu qabtay subaxnimadii hore Talaadadii maanta magaalada Marsabit oo ka tirsan Isiolo dalka Kenya, waxaana la sheegay in raggan la qabtay damacsanaayeen in ay ku biiraan xarrakada Al-shabaab.

9/12/2017 8:42 AM EST
Talaado, September, 12, 2017 (HOL) –Ra’iisul Wasaare ku-xigeenka Soomaaliya Mudane Mahdi Maxamed Guuleed (Khadar) ayaa maanta magaalladda Muqdishu kula kulmay danjiraha dawladda Denmark u fadhiya Soomaaliya Mss Mette Knudsen.

9/12/2017 3:02 AM EST
Talaado, September, 12, 2017 (HOL) –Hoggaamiyihii hore ee kooxda Al Shabaab Mukhtaar Roobow Cali Abuu Mansuur, ayaa maalmaha soo socda la filayaa in uu gaaro magaalladda Baydhabo ee xarunta gobolka Baay, sida uu sheegay Afhayeenka maamulka Koonfur Galbeed.

9/12/2017 1:50 AM EST
Talaado, September, 12, 2017 (HOL) –Golaha Amaanka ee Qaramada Midoobay ayaa cunaqabateyn dhinaca dhaqaallaha ah kusoo rogay dalka Kuuriyada Waqooyi.

9/12/2017 1:45 AM EST
Talaado, September, 12, 2017 (HOL)– Iyadoo Afar cisho ka harsan tahay doorashada madaxweynaha maamulka Hirshabeelle, ayaa waxaa magaalada Jowhar ka soconaya Ol’ole xoogan oo ay wadaan musharixiinta u taagan xilka madaxweynaha.

9/12/2017 1:32 AM EST
Talaado, September, 12, 2017 (HOL) –Saraakiisha Ciidamada booliska iyo militeriga kenya, ayaa ciidamada ku amray in ay si weyn u adkeeyaan ammaanka magaalladda Mandera ee waqoyi bari dalka kenya, kaddib markii Al-Shabaab ay shalay weerar ku qaadeen degmadda Beled-Xaawo, oo aan ka fogeyn xuduuda Kenya iyo Somalia.

9/12/2017 1:10 AM EST
Talaado, September, 12, 2017 (HOL) –Xaafadda Garsoor ee hoos-timaada Magaalladda Gaalkacyo ee xarunta gobolka Muduga, waxaa xalay lagu dilay nabadoon caan ka ahaa halkaasi, sida dadka deegaanka ay sheegeen.

9/12/2017 12:49 AM EST
Talaado, September, 12, 2017 (HOL) –Maamulka Gobolka Gedo ee koonfurta Soomaaliya, ayaa sheegay in xalay diyaarado dagaal ay duqeeyeen deegaanno hoos-yimaada degmadda Beled-Xaawo.