Musharax Waare : Qaar ka mid ah musharixiinta waxey isticmaalayaan hantida dowladda
Talaado, September, 12, 2017 (HOL) – Iyadoo Afar cisho ka
harsan tahay doorashada madaxweynaha maamulka Hirshabeelle, ayaa waxaa magaalada
Jowhar ka soconaya Ol’ole xoogan oo ay wadaan musharixiinta u taagan xilka
madaxweynaha.
Musharax Maxmed Cabdi Waare oo ah musharax u taagan
qabashada xilka madaxweynaha ayaa ku eedeeyay qaar ka mid ah musharixiinta in
ay caawineyso dowladda Soomaaliya, islamarkaana isticmaalyaan sida uu hadalka u
dhigay hantida dowladda.
‘’Magaalada dhaxdeeda waxaad arkeysaa musharixiin ay
ilaalinayaan ciidamadii Qaranka sidoo kalana wata ama isticmaalaya gadiid ay
dowladdu leedahay, ‘’ ayuu yiri Maxamed Cabdi Waare.
Isaga oo ka qeyb-galayay dood ka baxday TV –ga SomaliCable
ayuu sheegay in ay musharixiinta qaar isticmaalayaan sida uu hadalka u dhigay
hantida Qaranka iyo gadiidka dowladda dhexe laguna ilaalinayo magaalada.
Waa uu ka gaabsaday in uu sheego magacyada musharixiinta
dowladda taageerada ka helaya, hasse ahaatee waxaa uu ku booriyay dhinacyada oo
dhan in sharciga loo hogaasamo.
‘’ “Beesha caalamka waa ay aragtaa waxa dhacaya hadhow
waxaa la leeyahay beesha caalamka maxay noo caawin weyday haddii sharciyada
laga leexdo qaanuunka dowligana laga leexdo sidee naloo caawinayaa.”ayuu
is weydiiyay musharax Waare.
Maxamed Cabdi Waare ayaa markii labaad isku soo taagay
qabashada xilka madaxweynaha maamulka Hirshabeelle kaddib markii doorashadii
sanadkii hore looga adkaaday, waxaana uu hadda ka mid yahay musharixiin sida
gaarka ah loo hadal hayo ee ugu cad cad Ol’olaha doorasho ee socda.
C/raxmaan Diini, Hiiraan Online
[email protected]