Soomaalida Minnesota oo Soo Dhaweeyey Xildhibaano Qaranka Soomaaliyeed ka tirsan oo booqday Gobolka MN
Isniin, October, 09, 2017 (HOL) -Jaaliyadda Soomaaliyeed ee Gobolka Minnesota ayaa u qabtay kulan soo dhaweena gabdho ka tirsan labada Aqal ee Baarlamaanka Dowlada Fadaraalka
ee Soomaaliya,oo baryahaan hawlo shaqo u joogay qaar ka mida gobolada dalkaan
Maraykanka.
Xildhibaanadaan oo kala ah Sen.Fartuun Karaama, Sen.Samsam
Maxamed, Sen.Deeqa Xuseen , Xil. Sagal Biixi iyo Xil.Xaniifa Xaabsade.
Maxamed Ciise Muuday oo ka mid ahaa gudigii qabanqaabada
ayaa HOL u sheegay inuu aad ugu faraxsan yahay inay si wadajira Soomaalida
Minnesota ay u soo wada dhaweeyaan xildhibanadaan qaran,waxuuna yiri maaha
anaga kaliya Soomaali ahaan waxa soo dhaweenaya oo qiimayna masuuliyiintaan
waad u jeedaan waxaa goobta ku sugan Duqa magaaladda Minneapolis Betsy Hodges, Xildhibaano kala duwan oo haween
Maraykan ah iyo waliba Ilhaan Omar oo ah xildhibaanad Soomaaliyeed oo laga soo doortay
Minnesota.
Kulankaan oo ay ka hadleen Aqoonyahanada Waxgaradka iyo qaar
ka mida waxgaradka Minnesota ayaa dhamaantood si wadajira ay u soo dhaweeyeen
marti sharaftii lagu soo dhaweenayay Kulankaan.
Waxaa iyaguna halkaas ka hadlay Xildhibaanada labada Aqal oo
sheegay in dalkaan ay u yimadeen hawlo shaqo , soona mareen gobolo kala duwan ,
waxayna dhamaantood isla qireen in dalka Soomaaliya uu ka socdo soo kabasho
laga soo kabanayo diiftii ay reebeen dagalaadii sokeeye,
Waxayna aad sharaxeen kaalinta haweenka ay kaga jiraan
hawlaha qaranka sida gudiyada baarlamaanka ,kaalinta ay ku lee yihiin gudiyada
kala duwan ee labada aqal ,waxayna dhamaantood isla qireen in dalka uu ka jiro horemar
siyaasadeed.laguna dadaali doono sidii loo soo saari lahaa sharciyo kala saara
maamul goboleedyada & dowlada dhaxe.
Siyad Said Salah
HiiraanOnline
[email protected]
Minneapolis MN
