Isniin, October, 09, 2017 (HOL)-- Wakiilka
gaarka ah ee Xoghayaha Guud ee Qaramada Midoobey u qaabilsan Soomaaliya Micheal Keating ayaa ugu baaqay madaxda sare ee Galmudug in ay wadahadal ku
dhameeyaan khilaafka ka dhex taagan.
Waxaa uu sheegay in ay muhiim tahay in si wadajir ah looga wada shaqeeyo nabad-galyada
deegannada maamulka Galmudug islamarkaana ay heshiiyaan madaxda sare.
Waxaa uu sidoo kale ugu baaqay Madaxda Sare ee dowladda Soomaaliya in ay
xoojiyaan wada shaqeynta kala dhaxeysa maamulada dalka ka jira.
Micheal Keating ayaa tilmaamay in dowladda Soomaaliya awooda ay heysataa ay
tahay maamul goboleedyadda.
Khilaaf xooggan ayaa wali ka dhex taagan maamulada dalka ka jira qaarkood
iyo dowladda Soomaaliya, mana jirto wax ah oo dowladda Soomaaliya ay wali kasoo
saartay Khilaafka Madaxda Galmudug.
Madaxweynaha Galmudug ayaa ku eedeeyay dowladda Soomaaliya in ay faragelin
qaawan ku sameysay maamulka Galmudug.
Madaxda maamul gobolleedyada ayaa hadda shir ku leh magaalada Kismaayo oo ay
uga wada hadlayaan siyaasada dalka iyo khilaaf soo kala dhaxgalay dowladda
dhexe iyo maamulada xubnaha ka ah federaalka.
C/raxmaan Diini, Hiiraan Online
[email protected]
