Xafiiska Somaliland ku leedahay Addis Ababa oo xalay dab qabsaday iyo sababta oo wali la ogaan
Axad, Octobar,08, 2017 (HOL)- Xafiiska
Somaliland ku leedahay magaalada Addis Ababa ee dalka Itoobiya ayaa xalay abaaro
kow iyo tobankii habeeniimo qayb ka mid
ah uu dab qabsaday.
Dabka qabsaday dhismaha xafiiskaasi ayaa loo qabtay hal qof, taas oo
dawladda Itoobiya baareyso sababta dabkaasi keentay.
Wakiilka Somaliland ku leedahay Itoobiya Amb. Cali Shoombe ayaa si
kooban uga hadlay dabkaasi qabsaday xafiiska, islamarkaana ku gaabsaday in
labaarayo sababta dhalisay dabkaasi xafiiska qaybo ka mid ah.
"Khasaare sahlan ayaa soo gaadhay fiidkii xalay qayb ka
mid ah xafiiska safaarada Somaliland ee Addis ababa ka dib markii dab qabsaday, hal qof ayaa loo qabtay, waxaana baaris ku wada ciidamada booliska iyo dab
damiska Itoobiya" ayuu yiri Amb. Cali Shoombe wakiilka Somaliland u fadhiya Ethiopia.
Somaliland iyo Itoobiya ayaa leh xidhiidh wanaagsan, waxaana
ka dhexeeya ganacsi iyo isku socod maalinle ah, taas oo sababtay in labadda
dhinac xafiisyo ku kala yeeshaan labadda caasimadood ee Hargeysa iyo Addis Ababa.
Barkhad-ladiif M. Cumar,
Hiiraan Online
[email protected]
Hargeysa, Somaliland.
