Axad, October, 08, 2017 (HOL) – Kenya ayaa sheegtay in howlgallo qorsheysan
ay ku dishay bilihii la soo dhaafay dagaalyahano ka tirsan Al-Shabaab, kuwaa
soo ay horay lacag u duldhigtay.
Dowladda Kenya waxa ay sheegtay in dhowr howlgal oo badankood ka dhacay
Koonfurta Soomaaliya in lagu dilay raggaasi.
Waxaa ay sheegtay in ciidamada booliska ee la dagaalanka argagixisadda ay
soo gudbiyeen xogta lagu beegsaday raggaasi.
Sarkaal Sare oo ka tirsan waaxda la dagaalanka argagixisadda ee Kenya ayaa
sheegay in ay ku guuleysteen lacagihii ay bixiyeen oo ay duldhigeen saraakiisha
Al-Shabaab ee weerara dalka Kenya.
Waxaada sirdoonka ayaa sidoo kale sheegtay in ay
qorsheynayso in wali lacago badan lagu sii bixiyo raadinta Saraakiisha
Al-Shabaab.
Bishii July booliska dalka Kenya ayaa sheegay in lacag dhan Sh2 million oo
lacagta Kenya ah ay siin doonaan qofkii soo sheegaa shan nin oo lagu tuhmaayo
in ay ka tirsan yihiin Al-Shabaab,kuwaasi oo la sheegay in ay ka danbeeyeen
weeraro lagu qaaday magaaladda Lamu ee Dalka Kenya.
Dowladda Kenya ayaa todobaadyadii la soo dhaafay waxaa ay lacago dul dhigtay rag u dhashay dalkaasi oo la sheegay in ay ka tirsan yihiin ururka
Al-Shabaab.
C/raxmaan Diini, Hiiraan Online
[email protected]