Sabti, October, 07, 2017 (HOL) - Ra’iisal Wasaaraha Xukuumadda
Federaalka ah ee Soomaaliya Xassan Cali Khayre, Guddoomiyaha Aqalka Sare
Mudane Cabdi Xaashi Cabdullaahi, Guddoomiyaha gobolka Banaadir, Saraakiil iyo
Siyaasiyiin ayaa ka qeyb galay salaadda Janaasada ee Marxuum Gen. Maxamed
Sheekh Cismaan Badmaceeye oo dhawaan ku geeriyooday dalka Mareykanka.
Ra’iisul Wasaare Khayre ayaa tacsi u diray eheladda, qarabada iyo guud
ahaanba bulshada Soomaaliyeed ee uu ka baxay marxuumku, isagoona ALLE uga
baryey in uu naxariistiisa janno ka waraabiyo.
Marxuumka ayuu ku tilmaamay Ra’iisul Wasaaraha in uu ahaa shaqsi qiimo weyn
ku dhex lahaa ciidamada xooggga dalka Soomaaliyeed iyo guud ahaan-ba dalka
Ra’iisul wasaare Xassan Cali Khaye
ayaa sidoo kale sheegay in Marxuum Jeneral Badmaceeye uu ahaa shaqsi jecel
wadankiisa. Isla markaana uu kamid ahaa Saraakiishii ciidamada xoogga dalka Soomaaliyeed oo nidaamka dawladnimada ee Soomaaliya kaalin fiican ka soo qaatay.
C/raxmaan Diini, Hiiraan Online
[email protected]
