Sabti, October, 07, 2017 (HOL) - Madaxweynaha dowlad
gobolleedka Jubbaland Axmed Maxamed Islaam [Axmed Madoobe] ayaa sheegay in
shirka Kismaayo ka furmaya oo ay ka qeybgali doonaan madaxda maamul
gobolleedyada dalka ka dhisan waxba u dhimi doonin siyaasada dalka.
‘’ Waxaan rabaa in aan u sheego shacabka Soomaaliyeed, xukuumada
federaalka iyo cid kasta oo daneyneysa midnimada ummada Soomaaliyeed in shirkan Kismaayo uu yahay shir nabadeed oo wanaag lagu raadinayo, waxba u
dhimi doonin midnimada iyo wadajirka ummada Soomaaliyeed waxaadna ka ogaan
doontaan natiijada ka soo baxda’’ ayuu yiri madaxweynaha maamulka Jubbaland.
Kismaayo maalintii shalay waxaa tagay wafdi uu horkacayo
madaxweynaha maamulka Koonfur galbeed Shariif Xassan Sheekh Aadan, waxaana
sidoo kala la flayaa in saacadaha soo socda gaaraan wafuud ka kala socta maamul
gobolleedyada dalka iyo beesha caalamka.
Kulanka Kismaayo ayaa soo ifbaxay kaddib khilaaf soo kala
dhaxgalay qaar ka mid ah maamulada dalka ka jira iyo dowladda oo dhexe oo ku
kala aragti duwan habka loo wajahayo khilaafka wadamada Carabta oo ay dowladdu
isku taagtay meel dhexe.
C/raxmaan Diini, Hiiraan Online
[email protected]