Shirka dowladda federaalka iyo maamul gobolleedyada oo la filayo in uu maanta furmo
Axad, October, 29, 2017 (HOL) – Waxaa lagu waddaa Magaalada Muqdisho in uu
maanta ka furmo Shirka Madaxda maamul gobolleedyadda iyo sidoo kale dowladda
Soomaaliya.
Shirkaan ayaa horay waxaa u shaaciyay madaxweynaha Soomaaliya Maxamed
Cabdullaahi Maxamed, waxaana lagu wadday in uu furmo shalay,inkastoo uu dib u
dhacay oo maanta lagu balamay.
Waxaa Magaalada Muqdisho ku sugan dhammaan Madaxda maamul goboleedyadda,
Puntland, Jubbaland, Koonfur Galbeed, Galmudug iyo Hirshabeelle.
Kulanka ayaa waxaa si weyn diiradda loogu saari doonaa Khilaafka ka dhaxeeya
dowladda Dhexe iyo maamul goboleedyadda.
Laakiin dhinaca kale marka la eego waxaa
shirkan ayaa imanaya xili saacadihii ugu danbeeyay magaalada Muqdisho ay ka
jireen dhacdooyin Amaan darro iyo weeraro galaaftay nolasha ku dhawaad 20 ruux
oo ay ka mid ahaayeen mas’uuliyiin.
Dadka dhintay ee weerarada iyo qaraxyada
Muqdisho ka dhacay lagu dilay waxaa ka mid ahaan mas’uuliyiin Muqdisho u yimid
ka qeybgalka shirka maanta furmaya.
C/raxmaan Diini, Hiiraan Online
[email protected]