Sagaal Masaajid oo Minnesota ku yaal oo $240.000 u Aruuriyey Dhibanayaashii Qaraxii Zope 14 Ocktoobar ka dhacay ,VIDEO
Sabti, October, 28, 2017 (HOL) -Sagaal masaajid oo ku
yaal gobolka Minnesota ayaa lacag gaaraysa $240.000 kun oo Dollar u uruuriyey
dadkii ku wax yooloobay qaraxii 14 Oktoobar ka dhacay magaaladda Muqdisho .
Hadaba kulan ay habeenimadii xalay ay ku qabteen qaar ka
mida culumo-udiinka sagaalkaa xarumood Masaajidka Karmel ee Minneapolis ayeey
ku cadeeyeen tirada lacagta ay isku geeyeen inay noqotay Labo Boqol iyo Aftaan
Kun oo Dollar.
lacagtaan ayaa
inteeda badan la aruuriyey jimcahii 20 Oktoobar xiligii salaada Jimcaha maalintaas ooh ore loo
iclaamiyey in guud ahaan masaajidadaa maalintaas loo istaagi doono dhaqaalo
ururnta dadka qaraxu uu dhibaatada u keenay,
Culumaddii xalay kulanka qabtay ayaa sheegay in hadii ummudu
ay iskaashato ay wax u qaban karaan dalkoodii hooyo, tana waxay tusaale u tahay
awooda ay leedahay midnimadu ayeey aad ugu celceliyeen, kulankoodii xalay ayeey
ku sheegeen hadii gobolka Minnesota kaliya laga aruuriyey intaan guud ahaan
maraykanka kalena ay ka filayaan intaa iyo in ka badan in laga heli karo.
Sagaalka masaajid ee ku yaal gobolka Minnesota ee awoodooda
isagu geeyay inay si wadajira u caawiyaan dadkaas Soomaaliyeed ee dhibaatadu
soo gaartay ayaa kala ahaa ,
Masjid.Karmel
Masjid Umatul Islam
Masjid Dacwa
Masjid Rawdah
Masjid Darul Hijrah
Masjid Cumar ( 24 Mall)
Masjid Darul Faruuq
Masjid Darul Culuum
Masjid Abu Hurayrah.
Intaa kadib shir ay xalay culumaddu ku qaateen masaajidka
Karmel ayeey ku sheegeen in lacagta ay qaadi doonaan gudi ka ambabaxi doona
gobolkaan Minnesota gudidaas oo soo hubin doonta taburucaadkaasi inuu galo
gacantii saxda aheed ,iyadoo waliba la cadeeyay in lacagta cadaadkaas leh aan
wax qidmad ah laga goyn doonin ,qarashaadka ku baxi doona qaadista &
safarkuna uu ka gooni ka noqon doono yaboohii ay dadku ugu yabooheen
walaalahooda ay dhibaatadu ku soo gaartay qaraxaas.
Masaajidada Minnesota maaha markii ugu horeeysay oo ay isagu
yimaadaan taakulaynta dadkooda waxayna dadaalkaan mid la mida hore ugu gaysteen
xilyadii abaaraha ama xiliyada ay yimadaan fatahaadyada iyo masiibooyinka kala
duwan eek a dhaca geeska Afrika .
Siyad S Salah
Hiiraan Online
[email protected]
Minneapolis,MN
