Sabti, October, 28, 2017 (HOL) - Dib u dhac ayaa ku yimid shirkii qorshuhu
ahaa in uu maanta uga furmo magaalada Muqdisho dowladda federaalka iyo madaxda
maamulada dalka ka jira.
Wasiirka Arrimaha Gudaha Xukuumadda Soomaliya Cabdi Faarax (Juxa) oo
Warbaahinta kula hadlay garoonka diyaaradaha Aadan Cadde ayaa sheegay in uu
maanta baaqday shirkii la filyay in uu dhaco.
Waxaa uu sheegay wasiirka in shirka madaxda dowlada iyo kuwa maamul goboleedyada
uu beri furmayo, waxa uuna intaa raaciyay in sababta maanta u baaqday ay tahay
in Madaxda qaar aysan wali Muqdisho imaan .
Madaxda maamul goboleedyada Puntland iyo Jubbaland ayaan wali soo gaarin
magaalada Muqdisho , waxaana la filaaa in saacadaha soo aadan labadaasi
Madaxweyne soo gaaraan magalaada Muqdisho.
Waxaa hada Muqdisho ku sugan magaalada Muqdisho maamulada Hirshabelle, Koonfur Galbeed Soomaaliya
iyo Madaxweynaha Galmudug.
C/raxmaan Diini, Hiiraan Online
[email protected]
