Sabti, October, 28, 2017 (HOL) - Maxkamad ku taala dalka Germany ayaa xukun
xabsi ah ku riday koox hubaysan oo la sheegay inay ka dagaalameen wadamada
Syria iyo Somalia.
Qaadiga Maxkamada Farankfort ayaa bayaan ay soo saartay ku sheegtay in
Abshir Axmed oo 29 sano jir uu ka qeyb qaatay dagaaladii ka dhacaayay
Soomaaliya intii u dhaxeeysay 2012-ka ilaa 2014 waxana ay ku riday xukun
gaaraya Labo sano iyo 10 bilood.
Xeerbeegtida ayaa soo jeedisay in ninkaan oo ku dhashay magaalada Muqdisho
qaatay jinsiyada dalka Germany uu wajaho Saddex sano iyo Bar oo xabsi ah.
Maxkamada ayaa sheegtay Abshir in uu 4 bilood uu ku tababaranayay Saldhig ay
maamulaayen Al-shabab 2012-ka.
Saraakiil Ninkaan u doodeysay ayaa shaaca ka qaaday in Abshir uu xaalad
caafimad uga soo baxay Al-shabaab uuna beeninayo in uu u dagaalamay dagaalamayaashoodi.
Dhinaca kale Maxkamada ayaa waxaa ay xukun Labo sano iyo Siddeed bilood ah ku
riday muwadin Turkiyaan ah oo la sheegay in uu ka bar bar dagaalamay kooxda
Daacish ee Syria
C/raxmaan Diini, Hiiraan Online
[email protected]