Shirkada korantada ee BECO oo deeq lacageed gaarsiisayay Ehelada dadkii ku dhintay Qaraxii Zoobe
Sabti, October, 28, 2017 (HOL) – Qaraxii 14 bishan
October ka dhacay Isgoyska Zoope ee magaalada Muqdisho waxaa ka
dhashay dhimasho, dhaawac iyo burbur hantiyadeed , waxaana markiiba bilaawday
gurmad loo fidinayo dadkii ay wax yeellada ka soo gartay qaraaxa oo ka kala imanayay
dalka gudihiisa iyo dibeda intaba.
Shirkada Korantada BECO oo ka mid ah dhinacyada gurmadkan
ka qeyb qaadanaya ayaa wajigii labaad waxaa ay deeq gaarsiisay ehelada dadkii
ku dhintay, deeqdaas oo dhan $70 Kun oo dollar.
Cabdiraxmaan Cali Jaamac ah gudoomiyaha shirkada BECO oo
warbaahinta la hadlay ayaa sheegay in ujeedada gurmadkoodu yahay in la caawo
qoysaskii ay ka baxeen dadkii ay jeclaayeen oo aan ogaanay ayuu yiri in ay
heystaan dhibaatooyin kala duwan oo dhinaca nolasha ah.
“Shirkada Korontada BECO waxaa mar waliba ka go’an in ay
caawiyaan bulshadooda waana waajib na saaran” ayuu yir gudoomiyaha shirkada oo
sheegey in shirkada ay sii wadi doonto caawinaada noocaan oo kale ah.
Waxaa uu intaa ku darray“ Maadaama aan u adeegno Bulshada
Soomaaliyeed waxaan na saaran waajib kale oo ah in marka ay dhacaan
masiibooyinka noocaan oo kale ah in shirkada ay bulshadeeda la qaybsato
dhibaatooyinka waana hadafkeena koowaad”
Dadkii deeqdan la gaarsiiyay ayaa siweyn uga mahad
celiyay gurmadka ay u fidisay shirka BECO, waxaana ay intaa ku dareen in ay ka
filayaan qeybaha kale ee bulshada gurmadkan oo kale ah.
C/raxmaan
Diini, Hiiraan Online
[email protected]
