Guddoomiye Taabit ‘’ Waxaan ka shaqeyneynaa in gadiidka xamuulka ah waddo gaar ah isticmaalaan
Jimco, October, 27, 2017 (HOL) - Guddoomiyaha maamulka gobolka Banaadir Taabit
Cabdi Maxamed oo la hadlayay maanta Warbaahinta dowladda ayaa sheegay in
maamulkiisu qorsheynayo in hal waddo oo kaliya isticmaalaan gadiidka xamuulka
qaaday magaalada Muqdisho.
‘’Waxaa qorshaheenu yahay in waddo kaliya loo yeelo gadiidka xamuulka
qaaday, waxaana arintaan aan ka wada shaqeyneynaa iskaashatooyinka gaadiidka iyo
weliba ciidamada taraafikada ayuu yiri guddoomiye Taabit.
Wuxuu sheegay guddoomiye Taabit in aysan suuragal aheyn in dekadda ay
qaabisho gawaari badan, sidaasi darteedan gaadiidka Xamuulka waqtiyo gaar ah ay
shaqeyn doonaan si ciriiri aysan ugu keenin wadooyinka kale ee Muqdisho.
Waddooyinka waaweyn ee magaalada Muqdisho ayaa haatan noqday ciriiri kadib
markii wadooyin jid cadayaal oo muhiim u ahaa isu socodka dadka iyo gaadiidka
la xirey waxayna taasi qasabtay in gaadiidka oo idil ay laamiyada maraan taasoo
xilliyada qaar gaadiidku aysan helin meel ay kala maraan.
Dadka reer Muqdisho ayaa hadda u muuqda kuwo dareen badan ka qaba gadiidka
xamuulka ah ee isticmaala jidadka caasimada kaddib qaraxii Zoobe oo uu fuliyay
gaari weyn oo kuwa xamuulka ah.
C/raxmaan
Diini, Hiiraan Online
[email protected]
