3/29/2024
Today from Hiiraan Online:  _
Wararka Maanta- Jimco, Oct 27, 2017
Madaxweyne Waare oo la kulmay Bulshada degmada Warshiiq ee gobolka Shabeellaha dhexe


Jimco, October, 27, 2017 (HOL) - Munaasabad lagu soo dhaweynayay madaxweynaha maamulka Hirshabeelle Maxamed Cabdi Waare ayaa xalay lagu qabtay xarunta degmada Warshiiq ee gobolka Shabeellaha Dhexe.

Madaxweynaha ayaa waxaa ku soo dhaweeyay degmada qeybaha kala duwan ee bulshada iyo siyaasiyiin ay ka mid ahaayeen ra’iisal wasaarihii hore ee Soomaaliya Nuur Xasan Xuseen Nuur Cadde, Jabriil Ibraahim Cabdulle, xidlhibanno ka tirsan baarlamaanka Soomaaliya, maamulka degmada iyo mas’uuliyiin kale.

Madaxweyne ku xigeenka maamulka HirshabeelleCali Cabdullaahi Xuseen Cali Guudlaawe oo munaasabadii xalay ka hadlay ayaa ka mahad celiyay soo dhoweyntii loo sameeyay, waxaana reer Warsheeq uu ku ammaanay nabadda ay heystaan iyo ilbaxnimada ay u leeyihiin marti -Soorida.

Madaxweynaha maamulka Hirshabeelle Maxamed Cabdi Waare ayaa isna muujiyay sida ay uga go’antahay in la isku garab istaago nidaamka dowliga ah lagana shaqeeyo sidii loo horumarin lahaa deegaanada maamulka Hirshabeelle uu ka arimiyo.

Madaxweyne Waare oo sii hadlay ayaa ka codsaday Qurbo joogta Soomaaliyeed iyo kuwa ku abtirsada maamulka in ay maalgashadaan deegaanada Hirshabelle, waxaana ka maamul ahaan uu balanqaaday in ay la shaqeyn doonaan.

Waxaa sidoo kale munaasabada ka hadlay mas’uuliyiin ay ka mid ahaayeen ra’iisal wasaarihii hore Nuur Xassan Xusseen [Nuur Cadde] Jabriil Ibraahim Cabdulle iyo xildhibaanno.

C/raxmaan Diini, Hiiraan Online
[email protected]













Click here
10/27/2017 11:58 AM EST
Jimco, October, 27, 2017 (HOL) - Iyadoo loo balansan yahay 28ka bishan oo beegan maalinta berri ah in uu Muqdisho shir wadatashi ah oo u dhaxeeya dowladda federaalka iyo maamulada dalka ka jira, ayaa waxaa Muqdisho soo gaaray qaar ka mid ah madaxweynayaasha dowlad gobolleedyada dalka ka dhisan.

10/27/2017 8:21 AM EST
Jimco, October, 27, 2017 (HOL) - Guddoomiyaha maamulka gobolka Banaadir Taabit Cabdi Maxamed oo la hadlayay maanta Warbaahinta dowladda ayaa sheegay in maamulkiisu qorsheynayo in hal waddo oo kaliya isticmaalaan gadiidka xamuulka qaaday magaalada Muqdisho.

10/27/2017 4:21 AM EST
Jimco, Octobar,27, 2017 (HOL)- Madaxweyne Axmed Siilaanyo ayaa xilkii ka qaaday Badhasaabkii gobolka Maroodi jeex Mustafe Cabdi Ciise (Mustafe Shiine) oo muddo bil ka yar xilkan loo soo wareejiyey ka dib markii laga soo bedelay gobolka Awdal oo uu madaxweyne ku xigeenku shaqadda ka joojiyey.

10/27/2017 2:48 AM EST
Jimco, October, 27, 2017 (HOL) - Ra’iisul wasaaraha xukuumada federaalka Soomaaliya Xasan Cali Kheyre oo ku sugan dalka Turkiga ayaa la kulmay Madaxweynaha dalkaasi Rajib dayid Erdogan.

10/27/2017 2:29 AM EST
Jimco, October, 27, 2017 (HOL) - Waxaa xalay soo xirmay goobihii doorashada madaxtinimada dalka Kenya, iyadoo hadda lagu howlan yahay tirinta codkii la dhiibtay si marka danbe loo soo saaro natiijada kama danbeysta ah cidda ku guuleysatay doorashada ku celiska ah ee dalkaasi mar kale ka dhacday.

10/27/2017 2:08 AM EST
Jimco, October, 27, 2017 (HOL) - Ra’iisal wasaaraha Soomaaliya oo booqasho ku jooga dalka Turkiga ayaa booqday Isbitaallada ay ku jiraan dadkii ku dhaawacmay qaraxii 14kii bishan ka dhacay magaalada Muqdisho.

10/27/2017 1:50 AM EST
Jimco, October, 27, 2017 (HOL) -Dowladda Soomaaliya ayaa waxba kama jiraan ku sheegtay eedeymo inta badan loo jeediyo oo ah in aysan bixin mishaaradka kala duwan ee shaqaalaha dowladda iyo ciidamada oo marar badan oo hore arrintan cabasho ka keenay.

10/27/2017 1:29 AM EST
Jimco, October, 27, 2017 (HOL) – Xarrakada Al-shabaab ayaa degmada Saakoow ee gobolka Jubbada dhexe waxaa ay meel fagaaro ah xukun Dhagax ku dil ah ku fuliyeen haweenney Siddeed Carruur ah dhashay oo ay ku eedeeyeen in ay labo nin is guursatay.

10/27/2017 1:19 AM EST
Jimco, October, 27, 2017 (HOL) -Agaasimaha Hay’adda Nabad sugidda Soomaaliya Cabdullaahi Maxamed Sanbaloolshe ayaa ku dhalleeceeyey beesha caalamka gaar ahana waddamada US, UK iyo Qaramada Midoobay inay ka gaabiyeen inay hay’adaha amniga Soomaaliya ku caawiyaan khibrad iyo qalab farsamo si ay uga hortagaan weerarada Al-Shabab.