Faah faahin ku saabsan Qarax xalay ka dhacay guri ku yaala degmada Kaaraan ee gobolka Banaadir
Khamiis, October, 26, 2017 (HOL) – Warar dheeraad ah ayaa ka soo baxaya qarax
xalay ka dhacay guri ku yaal degmada Kaaraan ee gobolka Banaadir kaa oo la
sheegay in halkaa lagu farsameeynayay.
Qofkii Qarax diyaarinayay ayaa la sheegay in uu isla goobta ku geeriyooday,
waxaana sidoo kale halkaa ku dhaawacmay xubno ka tirsan qoyskiisa.
Ciidamo ka tirsan dowladda federaalka Soomaaliya oo goobta tagay ayaa lagu
waramayaa in ay la wareegeen guriga.
Dadka xaafadda uu qaraxa ka dhacay ayaa sheegay in Ninka guriga degenaa ee
la tuhusan yhay in uu qaraxa diyaarinayay ka yimid shalay degmada Qoryooley ee gobolka
Shabeellaha Hoose, waxaa qaraxa ku dhaawacmay xaaskiisa iyo wiilkiisa oo hoyga
la degenaa.
Saraakiisha Ammaanka dowladda Soomaaliya ayaa sheegay in Ninka Qaraxa ku
dhintay uga shakisan yihiin in uu xiriir la lahaa Al-Shabaab, hasse ahaatee
ma jirto faah faahin rasmi ah oo ka soo baxay baaritaankooda.
C/raxmaan Diini, Hiiraan Online
[email protected]
