Khamiis, October, 26, 2017 (HOL) - Degmada
Kaaraan ee gobolka Banaadir ayaa xalay waxaa ka dhacay Qarax, kaasi oo
si weyn looga maqlay qaar ka tirsan xaafadaha ku yaalla degmada.
Qaraxan ayaa ka dhex dhacay Guri ku yaalla degmada Kaaraan ee gobolka
Banaadir, halkaasi oo la sheegay in lagu diyaarinayay sida ay sheegeen hay’adaha
ammaanka.
Saraakiisha ciidamada ayaaa
warbaahinta u sheegay in uu ku dhintay Ninkii diyaarinayay, iyo wiil yar oo uu
dhalay, sidoo kalena uu dhaawac ka soo gaaray xaaskiisa.
Waxay kaloo in oo sheegeen saraakiisha ninka ku dhintay Qaraxan in shalay uu
ka yimid degmada Qoryooley ee gobolka Shabeellaha Hoose.
Dadka degmada Kaaraan ayaa siweyn u hadal hayay dhacdadan, iyada oo dadkii
ku waxyeeloobay qaraxan ay soo qaadeen hay’addaha Amniga.
Dhinaca rag hubeysan oo loo maleynayo in ay ka tirsanaayeen ururka
Al-shabaab ayaa xalay magaalada Muqdisho gaar ahaan xaafada Seybiyaano degmada
Hodan waxaa ay ku dileen haweeney ka tirsaneyd booliska Soomaaliya..
Dhalinyaro bastoolado ku hubeysneyd ayaa haweeneydan waxa ay ku toogteen
dukaan yar oo ay halkaasi ku laheyd, maadaama maalinkii ay shaqadeeda booliska
gudan jirtay, halka habeenkiina ay dukaankeeda iibsan jirtay.
Haweeneyda la dilay ayaa waxaa lagu magacaabi jiray Kaaha Jaamac, sida ay
warbaahinta ay u sheegeen saraakiil ka tirsan ciidanka dowladda federaalka
oo goobta tagay.
Kooxdii dilka geysatay ayaa waxaa ay
ka baxsadeen goobta, ka hor inta aysan halkaasi soo gaarin ciidamada dowladda
Federaalka oo baaritaano ka sameeyay xaafada Seybiyaano.
Dilalka qorsheysan ee ay fuliyaan kooxaha bastooladaha ku hubeysan ayaa ku soo
laabtay magaalada Muqdisho, kaddib markii muddooyinkii dambe ammaanka magaalada
uu ahaa mid hagaagsan.
C/raxmaan Diini, Hiiraan Online
[email protected]
