Madaxweyne farmaajo oo ka warbixiyay safar uu ku tagay dalalka Uganda, Itoobiya iyo Jabuuti
Arbaco, October, 25, 2017 (HOL) – Madaxweynaha dowladda Soomaaliya Maxamed
C/llaahi Farmaajo ayaa maanta dalka dib ugu soo laabtay, kaddib safar qaatay
saddex cisho oo uu ku tagay dalalka deriska ee Cidiamada ka jooga Soomaaliya.
Isaga oo warbaahinta kula hadlayay gudaha garoonka diyaaradaha Aadan Cadde
ayuu sheegay in in dalalkii uu booqday uu kala hadlay sidii ciidamada xoogga
dalka ay gacan ugu siin lahaayeen dagaalka ka dhanka ah Al-Shabaab.
Madaxweynaha ayaa sidoo kale sheegay in dhamaan Madaxda dalalkii uu booqday
ay isku afgarteen in meel looga soo wada jeesto Al-Shabaab, islamarkaana loo
midoobo dagaalka lagu qaadayo.
Madaxweynaha ayaa sheegay in qaraxii dhowaan ka dhacay isgoyska Zoobe oo ay
ku dhinteen ku dhawaad 400 oo ruux ay muujineyso sida Al-Shabaab ula
dagaalamayaan shacabka Soomaaliyeed.
Waxaa uu sheegay in aan Al-Shabaab loogu dulqaadan doonin gurmaadka ay
shacabka ku heyso, isla markaana ay dowladda ka go’an tahay in Al-Shabaab laga
xoreeyo guud ahaan dalka.
Axadii la soo dhaafay ayay aheyd markii Madaxweyne Farmaajo booqasho
qaadatay saddex cisho uu ku tagay dalalka Uganda, Itoobiya iyo Jabuuti,
halkaasoo uu kula soo kulmay madaxda dalalkaas.
C/raxmaan Diini, Hiiraan Online
[email protected]
