Arbaco, October, 25, 2017 (HOL) – Madaxweynaha dowladda Soomaaliya Maxamed Cabdullaahi
Farmaajo oo maalintii shalay socdaal ku tagay dalka Jabuuti ayaa kala hadlay
Dhiggiisa Ismaaciil Cumar Geelle Ammaanka Soomaaliya, madaama Jabuuti qeyb ka
tahay howlgalka midowga Africa AMISOM.
Madaxweyne Farmaajo ayaa uga mahad celiyay dowladda iyo Shacabka Jabuuti
sida ay isku bar bar taageen Soomaaliya waqtiyadii adkaa ee la soo maray, isaga
oo intaa ku darray Jabuuti umadda Soomaaliyeed u tahay Hiil.
“Jabuuti waxey noo tahay Hiil aan isku hallayn karno, wakhtiyadii adkaa sida
aad noo garab istaagteen waa idiin ogsoonnahay. Soomaaliya maanta cadawga
kaliya ee ay leedahay waa Al-shabaab, sidaa daraadeed waxaan idinka fileynaa in
aad nagala shaqaysaan sidii cadawgaas aan uga tirtiri laheyn dalka.”ayuu yiri
madaxweyne Farmaajo.
Madaxweynaha dalka Jabuuti Mudane Ismaaciil Cumar Geelle ayaa sheegay in
dalkiisu uu garab ku siinaayo Soomaaliya tallaabo kasta oo u horseedaysa
xasillooni waarta iyo amni buuxa.
“Dhabtii waa noo muuqataa dhibaatada Al-shabaab ay ku heyso shacabka Soomaaliyeed,
qof waliba waa arkay khasaarihii ka dhashay Qaraxii Zoobe, waxaanse idiin
caddeynayaa in aanan idin ku fiirsanayn arrintaa.”ayuu yiri madaxweynaha
Jabuuti
MadaxweynahaSoomaaliya Maxamed Cabdullaahi Farmaajo ayaa ayaa lagu waddaa in
maalinta berri ah uu dib ugu soo laabto dalka kaddib safar uu ku
kala bixiyay dalalka Uganda, Itoobiya iyo Jabuuti.
C/raxmaan Diini, Hiiraan Online
[email protected]