3/29/2024
Today from Hiiraan Online:  _
Wararka Maanta- Arbaco, Oct 25, 2017
Iska horimaad ka dhacay dulleedka magaalada Muqdisho

 

Arbaco, October, 25, 2017 (HOL) – Dagaalyahanno loo maleynayo in ay ka tirsan yihiin Ururka Al-shabaab ayaa saaakay weerar Dhabo-Gal ah ku qaaday ciidamo ka tirsan howlgalka midowga Africa  AMISOM xili ay marayeen meel aan ka fogeyn inta u dhaxeysa deegaanka Carbiska iyo Lafoole ee duleedka  Muqdisho.

Dadka deegaanka ayaa sheegay in ciidamada AMISOM lagu weeraray Garneellada Garbaha laga tuuro iyo rasaasta qorshaha darandooriga u dhaca.

Ciidamada AMISOM ayaa ku jawaabay rasaas culus, taa oo keentay in iska horimaad kooban uu dhaxmaro labada dhinac.

Dadka deegaannadan lagu dagaalamay ayaa warbahinta u sheegay in uu jiro khasaaro dhaawac ah oo gaaray dad saarnaa Gaadiidka kuwa Dadweynaha ah oo goobta marayay.

Xaalada goobtii lagu dagaalamay ayaa haatan degan, waxaana gaaray ciidamo ka tirsan kuwa Dowladda Soomaaliya oo hadda goobta Gacanta ku haya.

Shabeellaha hoose waxaa inta badan ka dhacay dagaalo u dhaxeeya xoogagga Al-shabaab, ciidamada dowladda iyo kuwa MISOM.

C/raxmaan Diini, Hiiraan Online
[email protected]













Click here
10/25/2017 6:53 PM EST
Jan. Maxamed Abshir Muse oo lixdanaadkii ahaa taliyaha ciidamada Booliiska Soomaaliyeed ayaa maanta ku geeryooday gobolka Minnesota. marxuumka ayaa ku noolaa gobolkaan Minnesota tan horaantii labada kun.

10/25/2017 8:31 AM EST
Cabdiraxmaan Caynte oo madaxwaynaha Soomaaliya u magacaabay Safiirka Soomaaliya u fadhiya doona dalka Ingiriiska ayaa xilkii safarnimo iska casilay, Safiirka hore ee ingiriiiska ayaan kula xiiriiray bartiisa arimaha bulshada ayaa ii xaqiiyey is casilaadiisa uu iigu sheegay arimo isaga u gaara.

10/25/2017 7:39 AM EST
Arbaco, October, 25, 2017 (HOL) – Madaxweynaha dowladda Soomaaliya Maxamed C/llaahi Farmaajo ayaa maanta dalka dib ugu soo laabtay, kaddib safar qaatay saddex cisho oo uu ku tagay dalalka deriska ee Cidiamada ka jooga Soomaaliya.

10/25/2017 7:31 AM EST
Arbaco, October, 25, 2017 (HOL) – Howlgalka midowga Africa AMISOM ayaa ka hadlay weerar saacadihii hore ee maanta ka dhacay deegaanka Lafoole, gaar ahaan waddada xiriirisa Muqdisho iyo Afgooye, waxaana jira eedeymo soo baxaya oo ah in AMISOM halkaa ku lahaayeen dad rayid ah.

10/25/2017 5:33 AM EST
Arbaco, October, 25, 2017 (HOL) – Qareenada guddiga doorashada Kenya ayaa sheegay in doorashada ku celiska ah ee Khamiista ay qabsoomi doonto sida uu markii horaba qorshuhu ahaa kaddib markii garsoorayaal ku filan ay soo xaadiri waayeen fadhi gaar ah oo ay maxkamda ugu sarreysa dalka ka yeelan lahayd arrintan.

10/25/2017 5:15 AM EST
Arbaco, October, 25, 2017 (HOL) – Wararka naga soo gaaraya deegaanka deegaanka Lafoole gaar ahaan waddada xiriirisa Muqdisho iyo Afgooye ayaa sheegaya in ciidamada AMISOM halkaa ku dileen dad rayid ah.

10/25/2017 4:17 AM EST
Arbaco, October, 25, 2017 (HOL) – Madaxweynaha dowladda Soomaaliya Maxamed Cabdullaahi Farmaajo oo maalintii shalay socdaal ku tagay dalka Jabuuti ayaa kala hadlay Dhiggiisa Ismaaciil Cumar Geelle Ammaanka Soomaaliya, madaama Jabuuti qeyb ka tahay howlgalka midowga Africa AMISOM.

10/25/2017 2:30 AM EST
Arbaco, October, 25, 2017 (HOL) – Faah faahin dheeraad ah ayaa ka soo baxaya Dab xalay ka kacay Kaalin shidaal oo ku yaalla Afar Irdoodka magaalada Boosaaso ee xarunta Gobolka Bari.

10/25/2017 2:22 AM EST
Arbaco, October, 25, 2017 (HOL) – Maxkamadda ugu sarreysa dalka Kenya ayaa lagu wadaa inay maanta go'aan ka gaarto in ay qabsoomi karto iyo in kale doorashada madaxtinnimada ee ku celiska ah ee loo ballansan yahay Khamiista.

10/25/2017 2:16 AM EST
Arbaco, October, 25, 2017 (HOL) – Ra’iisal wasaaraha xukuumada Soomaaliya Xassan Cali khayre ayaa maanta lagu wadaa in uu ka duulo garoonka Aadan Cadde ee magaalada Muqdisho isaga oo ku sii jeeda dalka Turkiga.

10/25/2017 2:04 AM EST
Arbaco, October, 25, 2017 (HOL) –Madaxweynaha dowlad gobolleedka Puntland Cabdiwali Maxamed Cali Gaas dhinaca kalana guuddoomiye ka ah madal ay ku midoobeen madaxweynayaasha maamullada dalka ka jira, ayaa sheegay in ay aqbaleen ka qeybgalka shirka uu ku baaqay madaxweyne Farmaajo ee 28ka bishan ka dhacaya Muqdisho.

10/25/2017 1:48 AM EST
Arbaco, October, 25, 2017 (HOL) – Guddoomiyaha maamulka gobolka Hiiraan Cali Jeyte Cismaan ayaa ku eedeeyay dowladda federaalka in aysan diyaar u aheyn waqtigan wax ka qabashada nabad-galyada dalka iyo dib –u-heshiisiin loo sameeyo bulshada Soomaaliyeed.