Talaado, October, 24, 2017 (HOL) – Kulan
xasaasi ah oo maalintii shalay magaalada Muqdisho ku dhaxmaray taliska
ciidamada militariga dowladda Soomaaliya iyo AMISOM ayaa looga wada hadlay
qorshaha dagaal ee ka dhanka ah Al-shabaab.
Kulanka waxaa joogay taliyaha ciidamada xoogga dalka Jen, C/wali Jaamac Gorod iyo Taliyaha AMISOM Jen. Cusmaan
Nuur Subagle, waxaana kulanka goob joog ka ahaa Saraakiil kale oo labada dhinac
ka tirsan.
Taliyaasha kulmay ayaa kulankooda si weyn uga wada hadlay sida ugu haboon ee
lagu bilaabi karo howlgal ka dhan ah dagaalyahanada Al Shabaab, waxaana labada
dhinac ay u balameen howlgal militari.
Taliyaha Ciidamada xooga dalka Jen. C/kariin Jaamac Gorod ayaa sheegay in
Saraakiisha ciidanka AMISOM ka dalbadeen in ay gacan ka siiyaan sidii Al
Shabaab uga saari lahaa deegaanada ay dalka ka joogaan.
Sidoo kale Taliyaha AMISOM Jen. Cusmaan Nuur Subagle, ayaa sheegay dhinaciisa
in diyaar u yihiin ciidamada AMISOM in gacan ka siiyaan ciidamada dowlada
dagaalka looga soo horjeedo Al Shabaab.
Madaxweynaha dowladda Soomaaliya Maxamed Cabdulaahi Farmaajo ayaa safar shaqo ugu
maqan dalalka ay ciidamada ka joogaan Soomaaliya, isaga oo dhinaciisa kala
hadlaya madaxda gobolka howlgalkan la qorsheynayo in uu dalka ka bilaawdo.
C/raxmaan Diini, Hiiraan Online
[email protected]