3/28/2024
Today from Hiiraan Online:  _
Wararka Maanta- Talaado, Oct 24, 2017
Ganacsigii Soomaalida ee Koonfur Africa oo hoos u dhac ku yimid


Talaado, October, 24, 2017 (HOL) – Kulan ballaaran oo ay soo qaban qaabisay Safaaradda Soomaaliya ee Koonfur Africa laguna qabtay xaruta Safaarada looga hadlay Ganacsiga Soomalida halkaa ku dhaqan iyo dhibaatooyinka ay wajahayaan.

Waxaa kulanka si gaar ah diirada loogu saaray sidii looga hortagi lahaa dhibaatooyinka Amni xumo ee soo wajahaya ganacsatada Soomaaliyeed iyo sidii dabagal loogu sameyn lahaa weerarada loo geysto Soomaalida.

Ganacsatada kulanka ka qeybgashay ayaa sheegay in uu jiro hoos u dhac ku yimid ganacsiga Soomaalida ay ku lahaayeen Tuulooyinka ah, sidoo kale waxaa ay xuseen in barakicin xoogan lagu haayo goobaha ganacsiga Soomaalida, kaddib markii goobaha ganacsiga Soomaalida laga iibiyay ganacsato Ajaanib ah, taasoo keentay in Soomaalida laga saaro suuqyada ganacsiga ee dalkaan Koofur Afrika oo hore ay si weyn uga dhax muuqdeen.

Ka soo qeybgalayaasha shirka qaar ka mid ah oo hadlay waxaa ay sheegeen in dhibaatooyinka soo cusboonaday qaarkood ay sababeen caqabado heysta milkiilayaasha goobaha ganacsiga Soomaalida ee ku yaala deegaanada tuulooyinka ah, waxaana caqabadahaasi ay isugu jiraan kuwa la xariira arrimo amni iyo qaar kale oo ka timid shaqaalo la’aan ku dhacday goobaha ganacsi oo ay dhalinyaradii ka shaqeyn laheyd qaarna ay sharciyadii ku dhiban yihiin kadibna dalkii isaga laabtay ama u tahriibay dalal kale ee caalamka.

Danjire Jamaal Maxamed Barrow oo ah safiirka dowladd Soomaaliya ee Koonfur Africa oo kulanka ka hadlay ayaa sheegay ayaa u balan qaaday ganacsatada wax ka qabashada dhibaatooyinka ay wajahayaan islamarkaana ay safaaradda diyaarisay qorshe sanadka 2018 isbadal weyn lagu sameeynayo.

“Safaarada waxaa ay diyaarisay qorshe cusub oo lagu howlgalayo sanadka 2018 ka haduu Alle idmo, waxaan noo diyaar ah in wado walba aan u marno sidii aan ku badbaadin laheyn hantida iyo nafta ganacsatada Soomaalida islamarkaana aan helno xaquuqda ay leeyihiin ganacsatada Soomaalida, lakiin la’aantiin ma shaqeyn karno waxaa loo baahan yahay in aad nala shaqeysaan”ayuu yiri Danjire Jamaal Barrow.

C/raxmaan Diini, Hiiraan Online
[email protected]













Click here
10/24/2017 11:14 AM EST
Talaado, October, 24, 2017 (HOL) –Gudoomiyaha Aqalka sare ee Somalia Cabdi Xaashi Cabdulaahi ayaa maanta soo gaaray magaalada Garowe isaga iyo xubno kale oo ka tirsan aqalka sare ,waxaana magaalada ku soo dhaweeyay qaar kamid ah madaxda Puntland ugu saraysa.

10/24/2017 10:28 AM EST
Jaaliyadda Soomaalida ee dagan magaaladda Rochester ee gobolka Minnesota ayaa isagu timi kulan Baroordiiq iyo Duco laagu sameenayay dadkii ku wax yooloobay qaraxii 14 Oktoobar ka dhacay magaaladda Muqdisho,iyadoo kulankaan lagu qabtay xarunta wayn iskuulka Rochester Math and Seince oo ay maamuulaan aqoonyahano Soomaaliyeed.

10/24/2017 8:37 AM EST
Talaado, October, 24, 2017 (HOL) –Inta la hubo qof naftii hore ah ayaa ku geeriyooday qarax maanta duhurkii ka dhacay magaalada Bosaaso ,kaasi oo la doonayay in lala eegto saldhiga-ga bartamaha ee magaalada Bosaaso.

10/24/2017 8:20 AM EST
Talaado, October, 24, 2017 (HOL) – Madaxweynaha dowladda Soomaaliya Maxamed Cabdullaahi Farmaajo ayaa socdaal qeyb ka ah safarka uu ku marayo wadamada ay ciidamada ka joogaan Soomaaliya goor dhaw ku tagay dalka Jabuuti.

10/24/2017 7:43 AM EST
Talaado, October, 24, 2017 (HOL) – Maxkamadda ugu sarreysa dalka Kenya ayaa lagu wadaa inay Arbacada go'aan ka gaarto in doorashada madaxtinnimada ee ku celiska ee la qorsheynayo in ay dhacdo Khamiista iyo in kale.

10/24/2017 7:22 AM EST
Talaado, October, 24, 2017 (HOL) –Maamulka Gobolka Banaadir ayaa ku dhawaaqay inuu kafaalo qaaday waxbarashada ardaydadii Aabayaashood ku waayey qaraxii musiibada ahaa ee 14 Bishaan ka dhacay Isgoyska Zoobe ee hadda loo bixiyey ( 14 October).

10/24/2017 6:51 AM EST
Talaado, October, 24, 2017 (HOL) – Dowladda Mareykanka ayaa ammaanka Soomaaliya ayaa kala hadashay Urur goboleedka IGAD kaddib shir ka dhacay magaalada Addis Ababa ee dalka Itoobiya.

10/24/2017 4:51 AM EST
Talaado, October, 24, 2017 (HOL) – Kulan xasaasi ah oo maalintii shalay magaalada Muqdisho ku dhaxmaray taliska ciidamada militariga dowladda Soomaaliya iyo AMISOM ayaa looga wada hadlay qorshaha dagaal ee ka dhanka ah Al-shabaab.

10/24/2017 2:00 AM EST
Talaado, October, 24, 2017 (HOL) - Wakiilka gaar ah ee Qaramada Midoobe u qaabilsan Soomaaliya Micheal Keating oo maalintii shalay khudbad ka jeedinayay munaasabadii caleemo saarka madaxweynaha Hirshabeelle ayaa soo hadal qaaday arrimaha Amniga iyo Saboolnimada laga dhaxlay abaarta.

10/24/2017 1:49 AM EST
Talaado, October, 24, 2017 (HOL) – Madaxweynaha dowlad gobolleedka Puntland Cabdiwali Maxamed Cali Gaas oo ka mid ahaa mas’uuliyiintii maalintii shalay ka qeybgashay munaasabada caleemo saarka madaxweyne Waare, ayaa xalay ku hoyday magaalada Jowhar ee xarunta u ah maamulka Hirshabeelle.

10/24/2017 1:40 AM EST
Talaado, October, 24, 2017 (HOL) – Madaxweynaha dalka Kenya Uhuru Kenyatta ayaa sheegay in aysan baaqan doonin doorashada madaxtinimada ee lagu wado in dalkaasi ay ka dhacdo Khamiista, haddii mucaaradku diidaan iyo haddii kalaba.

10/24/2017 1:36 AM EST
Talaado, October, 24, 2017 (HOL) – Dagaalamayaal ka tirsan Al-shabaab ayaa lagu waramayaa in ay xalay weerar culus ku qaadeen saldhig ciidamada dowladda ay ku lahaayeen degmada Afgooye ee gobolka Shabeellaha Hoose.