Xisbiga WADANI oo dhoolatus balaadhan ku soo bandhigay magaalooyinka waaweyn ee Somaliland
Isniin, Octobar,23, 2017 (HOL)-
maalintii 3aad ee ololaha xisbiyadda Somaliland ayaa maanta waxa dhoolatus
balaadhan ku soo dhigay magaalooyinka waaweyn ee Somaliland xisbiga mucaaradka
ah ee WADDANI oo ahayd maalintii uu ololaha u lahaa.
Goboladda waaweyn ee Somaliland waxa uu xisbiga WADANI u kala diray
madaxdiisa sar sare, waxaana magaaladda Hargeysa dadweynaha taageera xisbiga
WADANI kala qaybgallay musharaxa xisbiga WADANI C/raxmaan Cirro, musharax
madaxweyne ku xigeenka xisbiga WADANI Maxamed Cali oo isna ka qaybgallay
taageerayaasha xisbiga Boorama, halka hogaamiyaha xisbigaasi kala qaybgalay
taageerayaashiisa ku sugan gobolka Sanaag, halka gudoomiyaha ku meel gaadhka ah
ee xisbigaasi Cabdiqaadir jirdena waxa uu kaga qaybgallay dhoolatuskiisa uu ku
qabanayo gobolka Saaxil.
Xisbiga WADANI ayaa si weyn oo dhoolatus ah ugu bandhigay magaaladda
Hargeysa oo buux dhaafiyey garoonka weyn ee beerta xoriyadda, waxaana uu
musharaxa xisbiga WADANI C/raxmaan Cirro eedeen usoo jeediey xisbiga kulmiye oo
uu ku canaantay inay hagratay shacabka Somaliland oo mudaddii ay xilka hayeen
waxba u qaban.
“waxa la iibiyey shan guri oo guryihii dawlada ah, halkee mustaqbalka
laga dhisayaa xafiisyadda dawladda, dugsiyadda iyo goobaha caafimaadka ee
guryahan la iibinayo lagu bedeli lahaa, waxa jirta biyo yaraan oo muddo dheer
ka jirta taas oo la hagraday”ayuu yidhi musharax Cirro.
Sidoo kale, waxa uu hogaamiyaha xisbiga WADANI Xirsi Cali Xaaji Xasan
uu xukuumadda ku eedeeyey in wadadii Ceerigaabo halkii uu barigii dhigay aan
laga qaadin,isla markaana lacagihii loo qaadhaamay ee lagu dhisi lahaa uu
sheegay in la cunnay.
Si kastaba ha ahaatee, dhoolatus balaadhan ayuu ku muujiyey cududda uu
ku leeyahay Somaliland, taas oo ilaa xalay iyo saakaba gaadiid faro badan oo
heeso iyo hoon badan leh ku wareegayeen wadooyinka magaaladda Hargeysa.
Barkhad-ladiif M. Cumar,
Hiiraan Online
[email protected]
Hargeysa, Somaliland.