Taliska booliiska oo Amray in la soo qabto Askari saldhig ku dhax toogtay qof shacab ah
Isniin, October, 23, 2017 (HOL) - Taliska ciidamada booliiska Soomaaliya
ayaa Amar ku bixiyay in la soo xiro qof gudaha saldhga degmada Huriwaa ku dhax
toogtay qof shacab ah o oo dacwad loo heystay, waxaana la sheegay in amarka
dilka uu bixiyay taliyaha saldhiga degmada.
Ehelada Marxuumka dhintay oo lagu
magacaabi jiray Abshir Cabdullaahi Jaamac ayaa diiday in la Aaso Meydka ilaa
laga qabto Askarigii toogashada geystay.
War ka soo baxay taliya ciidamada
booliiska Soomaaliyeed Jen Cabdixakiin Daahir Saciid ayaa looga tacsiyeeyay
Ehelada geerida wiilkooda, waxaana uu taliyuhu Amar ku bixiyay in sida ugu
dhaqsiyaha badan gacanta loogu soo dhigo Askariga falka geystay.
Warka ka soo baxay taliska ayaa sidoo kale laamaha amniga faraya in la soo
qabto cid kasta oo ay ku cadaato in ay falkaasi ku lug laheyd.
Waa markii ugu horeysay oo saldhig booliis gudaha magaalada Muqdisho lagu
dhax toogto qof rayid ah loogu yeeray markii hore in uu saldhiga yimaado.
C/raxmaan Diini, Hiiraan Online
[email protected]
