Banaanbax lagaga soo hor Jeedo heshiiskii Somaliland iyo Khaatumo oo Buuhoodle lagu Qabtay
Isniin, October, 23, 2017 (HOL) – Dibadbax ballaaran oo lagaga soo hor jeedo hishiiskii ay Somaliland iyo
Maamulka Khaatumo laba cisho ka hor kukala saxeexdeen magaalada Caynaba
ayaa ka dhacay shalay magaalada Buuhoodle ee xarunta gobolka Cayn.
Waxgarad, oday dhaqameedyo, Cuqaal,
Waayeel ,Dhalinyaro iyo bulshada kala duwan ee magaalada ayaa isgu soo baxay
garoonka kubada cagta ee xabado iyagoo tilmaamay in ay ka biya
diidsanyihiin heshiiskaasi waxayna sheegeen in ay ka tirsan yihiin dawlada
fedraalkaa ee Soomaaliya.
Caaqil Axmed Xassan ayaa sheegay in
heshiisyada lagu saxeexday Burco iyo caynbaba aysan wax ka jirin waxa uuna
tilmaamay in muddadii talada ay hayeen ay dhamaatay labadaba.
Faarax Siciid oo ka mid ahaa dadka
fagaaraha isugu soo baxay uguna da' waynaa bulshadii goobta ka hadashay
ayaa si adag ugu goodiyay in aan marnaba magaalada Buuhoodle aysan gumaysi gali
doonin , waraaqahaasina ay u muuqdaan kuwo lagu doonaayo sidii gacan shisheeyaa
magaalada u Qaban lahayd.
Isusoobaxa ayaa ka turjumaya
shucuurta kacsan ee bulshawaynta gobolka Cayn , waxaana lagu tilmaami karaa jawaab ay ka bixiyeen hadaladii uu Prof, Cali Khaliif Galayr uu madasha
ka jeediyay ee uu Ku dalbanayay in cudud la siiyo si loo caabiyo magaalada
Buuhoodle .
Seynab Cabdi Warsame, Hiiraan Online
[email protected]
Laascaanood, gobolka Sool.