Isniin, October, 23, 2017 (HOL) – Ra’iisul wasaaraha Soomaaliya iyo wafdi uu
horkacayo ayaa lagu wadaa saacadaha soo socda in ay gaaraan magaalada ee
xarunta maamul gobolleedka Hirshabeelle, halkaa oo lagu qabanayo munaasabada
calleemo saarka madaxweyne Maxamed Cabdi Waaare.
Waxaa sidoo kale Jowhar tagaya oo la filayaa in ay ka qeybgalaan munaasabada
calleemo saarka madaxweynaha Hirshabeelle madaxda maamul Goboleedyada oo ay ka
mid yihiin madaxweynaha Puntland C/wali Maxamed Cali (Gaas), madaxweynaha
Galmudug Axmed Ducaalle Geelle (Xaaf), iyo madaxweynaha maamulka Koonfur
Galbeed Shariif Xasan Sheekh Aadan,.
Mid ka mid ah guddiga qaban qaabada munaasabada caleemo saarka ayaa sheegay
in madaxweyne Waare ku sugan yahay garoonka diyaaradaha magaalada Jowhar
halkaasi oo uu ku sugaayo madaxda imaanaysa.
Ammaanka magaalada Jowhar ayaa aad loo adkeeyay, waxaana wadooyinka waa weyn
lagu arkayaa ciidamada dowladda iyo kuwa AMISOM, iyaga oo gawaarida dadweynaha
ku baaraya barkontoroolada ku yaalla Jowhar.
Madaxweynaha maamulka Hirshabeelle Maxamed Cabdi Waare ayaa 16-kii bishii
September ee sanadkan waxaa lagu doortay magaalada Jowhar, kadib markii uu ka
adkaaday Musharaxiintii uu la tartmayay.
C/raxmaan Diini, Hiiraan Online
[email protected]
