Axad, October, 22, 2017 (HOL) – Taageerayaasha xisbiga Kulmiye ayaa maanta dhoola tus aad u
balaadhan ka muujiyay magaalada Laascaanood ee xarunta gobolka Sool kadib
markuu soo gaadhay hogaamiyaha xisbiga Muuse Biixi Cabdi ahna musharaxa
madaxnimada Somaliland ee xisbigan.
Soo dhawaynta Musharaxa madaxwayne
Muuse Biixi Cabdi ayaa waxaa ka qayb qaatay mas'uuliinta xisbiga Kulmiye ee
gobolka Sool iyo kumanaan tageerayaal ah oo Ku labisan astaanta xisbiga, kuna
dhawaaqaayay heeso taageeraa.
Musharax madaxnimada Somaliland ee xisbiga
Kulmiye Muuse Biixi ayaa si Wayne ugu mahad celiyay taageerayaashiisa Ku soo
dhaweeyay magaalada , isagoo tilmaamay in uu si lixaad leh ugu tashanayo
magaalada Laascaanood inuu cod aqlabiyad ah ka heli doono.
Muuse Biixi Cabdi ayaa sheegay in
ay sisocon doonaan mashaariicda horumarineed ee xisbiga Kulmiye ay ka
fulin doonaan deegaanadan hadii uu Ku guulaysto xilka madaxnimo sidii uu horaba
u balan qaaday madaxwaynaha xilkiisu dhamaaday ee Axmed Maxamed Maxamuud
Siilaanyo.
Isusoobaxa dabaaldagyada xisbiga
Kulmiye oo ah maalintii labaad ayaa hakiyay isusocdka gaadiidka galinkii
hore ee maanta , halka malinimadkii shaly magaalada lagu soo dhaweeyay
xisbiga mucaaridkaa ee UCID hogaamiyihiisa Faysal Cali Waraabe, barina la
dhawrayo Xisbiga Wadani .
Seynab Cabdi Warsame, Hiiraan
Online.
[email protected]
Laascaanood, gobolka Sool.