Xisbiga kULMIYE oo dhoolatus ku soo bandhigay fagaarayaasha magaalooyinka waaweyn ee Somaliland
Axad, Octobar, 22, 2017 (HOL)- Ololihii
xisbiyadda Somaliland ayaa galay maalintii labaad, waxaana saaka dhoolatus
balaadhan ka dhigay dhamaan magaalooyinka waaweyn ee Somaliland xisbiga taladda
haya ee KULMIYE.
Xisbiga kulmiye ayaa fagaarayaasha magaalooyinka waaweyn dhoolotus ku
sameeyey, waxaana gobolada waaweyn uga qaybgalay madaxda sare ee xisbiga,
magaaladda Boorama waxa taageeraasha xisbiga kumiye kala qaybgallay madaxweyne
ku xigeenka oo ah musharax madaxweyne ku xigeen Cabdiraxmaan Saylici,
gudoomiyaha xisbiga wuxuu kala qaybgalay taageerayaasha iskugu soo baxayey
fagaaraha beerta xoriyadda ee magaaladda Hargeysa, halka madaxweyne Siilaanyo
kala qaybgallay magaaladda Burco.
Madaxdan oo khudbado kala duwan ka soo jeediyey fagaarayaasha ayaa
dadweynaha reer Somaliland usoo jeediyey inay xisbiga kulmiye codka siiyaan.
Sidoo kale, wadooyinka magaaladda Hargeysa waxa illaa xalay iyo
saakaba cidhiidhi galiyey taageerayaasha xisbiga KULMIYE, kuwaas oo heeso iyo
hoon intay iskugu daraan ku wareegayey wadooyinka waaweyn ee caasimadda
Hargeysa.
Barkhad-ladiif M. Cumar,
Hiiraan Online
[email protected]
Hargeysa, Somaliland.
