Axad, October, 22, 2017 (HOL) – Wararka naga soo gaaraya degmada Balcad ee gobolka Shabeellaha dhexe ayaa sheegaya in Gaari ay saarnayeen dad shacab ah ay goor dhow miino la kacday.
Deegaanka lagu magacaabo Daniga Baaloow oo ku yaalada waddada xiriirisa degmada Afgooye iyo Balcad ayaa la sheegay in gaari nooca loo yaqaano Homeyda, ay niinadaas la qaraxday xili uu ku sii jeeday degmada Afgooye ee gobolka Shabeellaha Hoose
Ilaa Shan ruux oo ka mid ahaa dadkii gaariga saarnaa ayaa la sheegay in ay dhinteen halka dhinaca kale ay jiraan dhaawacyo culus.
Warar kale oo soo baxaya ayaa sheegaya in gaariga oo ay la socdeen haween ka ganacsada Cowska intoodii badneyd dhinteen.
Waxaa soconaya gurmad loo fidinayo dadka rayidka ah ee wax yeelladu ka soo gaartay qaraxa miino.
Wixii ka soo kordha waan idin soo gudbin doonnaa..
C/raxmaan Diini, Hiiraan Online [email protected]