Jaaliyada Birmingham UK oo soo dhaweyn u sameysay xildhibaan Cabdullaahi Maxamed Nuur
Jimco, October, 20. 2017 (HOL) – Jaaliyada Soomaaliyeed ee
ku dhaqan magaalo madaxda labaad dalka Britain ee Birmingham ayaa u sameysay munaasabad soo dhaweyn ah
xildhibaan C/llaahi Maxamed Nuur oo horay u soo noqday wasiiru dowlaha maaliyada
dowladda Soomaaliya.
Soo dhaweynta xildhibaanka ayaa
waxaa ka qeybgallay Jaaliyada reer Birmingham qeybaheedda kala duwan, waxaana
halkaa xildhibaanka looga dhageystay warbixin ku saabsan xaalada dalka
Soomaaliya.
Ka qeybgalayaasha ayaa su’aalo ka
weydiiyay xildhibaanka marxalada siyaasadeed iyo Amni ee uu dalku sugan yahay,
isaga oo sheegay dalku hadda sameynayo is badal dhinacyo badan leh, isaga oo ku
booriyay Jaaliyada Soomaaliyeed in ay ka qeyb qaataan dhismaha dalka.
‘’Dalku hadda meel wanaagsan ayuu ka
yimid meel wanaagsanna waa u socdaa, kaliya waa in aan muujinayaa is kaashi iyo
wadda shaqeyn’’ ayuu yiri xildhibaanka.
Ka qeybgalayaashii munaasabada ayaa
dhinaca kale si wadda jir ah u cambaareeyay weerarkii Zoobe, iyaga oo muujiyay
dareenkooda iyo sida ay uga xun yihiin qaraxa galaaftay nolasha dad badan oo
Soomaali ah.
C/raxmaan Diini, Hiiraan Online
[email protected]
